故鄉的鳳凰花

作詞:黃靜雅    作曲:黃靜雅
故鄉的鳳凰花 總是出現佇南風起的六月
風若吹 紅紅的花 著親像蝴蝶佇天頂飛
風若吹 幼幼的樹葉 著親像青色的雪
每冬的六月 離別的時節 想起故鄉的鳳凰花

故鄉的鳳凰花 總是出現佇懷念的土地
細漢的時 媽媽牽阮的手行路去讀冊
幾蛇路攏是鳳凰花
初戀的時 伊嘛牽著阮的手 散步 話仙 約會
迄條巷子底 鬧熱的路街 攏是故鄉的鳳凰花

故鄉的鳳凰花 總是出現佇睏未去的暗瞑
誰人會知 過去的日子 是一去不回斷線的風吹
誰人會知 未來的日子 是幸福悲傷滿足抑是後悔
心內攏是話 沒人聽我說只有故鄉的鳳凰花

誰人會知 未來的日子 是幸福悲傷滿足抑是後悔
心內攏是話 沒人聽我說 只有故鄉的鳳凰花
鳳凰花
鳳凰花