牛車來去

佮君約束甘蔗溝
蔗尾拍結做號頭
啥人歹心共伊啟
誤人姻緣是無勞
時間的手 牽咱行過坎坷的旅程
用硬掙的跤步 換來青春
春風吹起 花開花謝 當年的傷痕
沿路的風景嘛有咱的一部份
恬恬看著燕仔 成雙成對
嘛有心愛的人 無奈的離開
有偌濟思念 嗤嗤呲呲佇耳邊
有偌濟話 袂赴講出喙
天大地大 牛車來去 起落的人生
用家已的幸福 換來的皺痕
歲月無聲 春秋來去 咱愈行愈遠
有啥人會知影 是啥款的命運
慢慢想起彼瞑 月下花前
彼是心愛的人 付出真情
用偌濟緣份 走走揣揣的約定
才有福氣 陪你行這程