杨肃浩
作词：楊肅浩 作曲：楊肅浩
编曲：罗大惟、杨肃浩
监制：杨肃浩
几代人 守伫无声的平原
行过九弯十八拐 戆戆仔转趁
稻草人 你抑阁伫遮等
人讲都市好赚食 阮欲离开遮
当时翅仔叶嘛会飘落山 落伫当欲离港的船只
嘛知影 阿嬷的白头鬃犹伫遐
噶玛兰的风吹飞悬悬 少年的梦 抑阁䞐几项
彼年伫田岸的囡仔伴 有几个犹伫遐
噶玛兰的风吹飞悬悬 遮的查某囡仔嘛真媠款
东北风吹著退色门板 伊伫望啊望
都市人 厝起伫故乡的平原
行过冬山河的岸 讲后花园伫遮
路那行 人愈济就愈惊惶
雨水一暝落袂煞 思念吹袂焦
毋管逐年的风台做偌大 龟山的乌云到尾总会散
起落的海涌矣 你教阮就爱担输赢
噶玛兰的风吹飞悬悬 一条溪水 藏著偌济梦
流啊流过青春的小巷 情歌唱袂完
噶玛兰的风吹飞悬悬 飞入梦中 走揣流浪的人
船离港嘛已经几落冬 阮阁望啊望 望啊望
噶玛兰的风吹飞悬悬 一条溪水 藏著偌济梦
流啊流过青春的小巷 情歌唱袂完
噶玛兰的风吹飞悬悬 飞入梦中 走揣流浪的人
船离港嘛已经几落冬 阮阁望啊望