李千娜
作词：叶俊麟
作曲：米山正夫
制作：王希文
编曲：张瀚中
请借问布田的 田庄阿伯 啊
啊人咧讲 繁华都市 台北对佗去
阮就是无依倚 可怜的女儿
自细汉著来离开 爸母的身边
虽然无人 替阮安排 将来代志
阮想欲来去都市 做著女工度日子
也通来安慰自己 心内的稀微
请借问 路边的 卖薰阿姊啊
人咧讲对面彼间 工场是毋是
贴告示欲用人 阮想欲来去
我看你犹原毋是 幸福的女儿
虽然无人 替咱安排 将来代志
在世间总是著爱 自己拍算较合理
青春是毋通耽误 人生的真义
请借问 门头的 办公阿伯啊
人咧讲这间工场 有欲采用人
阮虽然犹少年 拢毋知半项
同情我地头生疏 以外无希望
假使少钱 也著忍耐 三冬五冬
为将来为著幸福 甘愿受苦来活动
有一日总会得著 心情的轻松