六月茉莉 - 修復版

六月茉莉真正媠
郎君仔生做伊都真古錐
好花難得成雙對
身邊若無娘仔伊都上克虧

六月茉莉真正香
單身的娘仔伊都守空房
好花也著有人挽
無人那知影啊伊都氣死人

六月茉莉香透天
單身的娘仔伊都無了時
好花也著合人意
何時那郎君仔伊都在身邊

六月茉莉透暝香
單身的娘仔伊都做眠夢
好花開了等後冬
娘仔那親情啊伊都何時放

六月茉莉滿山香
挽花嘛也著伊都惜花欉
親像蝴蝶亂亂弄
採過那一欉仔伊都又一欉

六欉茉莉分六路
這欉若卡媠伊都搬落壺
日時欲挽有人顧
暝時若欲挽啊伊都人看無