區子琳 (Paula Au)
區子琳
-
13:24
1 首歌曲
這次Edward Chan從他的學生中聽到〈瘟疫在愛蔓延時〉的Demo，覺得很適合Paula，而Paula聽後也十分喜歡，就鐵定了以William Chan的旋律，作為Paula第二首派台歌。Paula然後跟填詞人王樂儀分享了自己的傷心情史後，對方便寫出了〈瘟疫在愛蔓延時〉。Paula說：「我喺嗰次戀愛裡面，以為自己搵到想要嘅愛情，但原來唔適合，跟住當然冇好嘅結局。王樂儀將我個故仔，加埋佢嘅想像，就變咗歌名〈瘟疫在愛蔓延時〉。」
歌詞反映了Paula對愛情的睇法，同時亦鼓勵樂迷，不論經歷了傷痛的結局，都要再次企起身，重新振作。Paula分享道：「歌詞裡有一段寫到『世界正變異著 我怕我太脆弱 一些惡意 在靜脈擴張』呢個反映喺感情路上唔美滿嘅結果，但如歌詞另一句所講『世界沒變好 都需要 吸口氣 找光的方向』喺愛情路上，我會繼續追尋，嘗試搵一個好嘅結局，樂儀用咗好美麗嘅詞𢑥，將我嘅心聲，擺喺歌曲裡面。」
因為正正是個人心聲，Paula在錄音時哭得不能錄下去，她回憶道：「錄到第3日，我投放更多感情落去唱嘅時候，諗返起自己用好多心機去維繫一段感情，但事與願違，得唔到想要嘅結果，我喊咗好一陣子，結果嗰日錄音要暫停。」雖然這樣，Paula希望這歌可以陪伴樂迷，治癒大家的傷口。「若然你有類近嘅經歷，要記住，即使有不愉快嘅往事，令你好挫敗，你都要繼續尋找愛啊！」