娘子

作詞：王俊傑     作曲：王俊傑

編曲：王俊傑

過去的種種 那像風聲 妳總是講 彼敢有影
親像故事 閣親像死炸 你講親像我咧膨風無影無一跡

愛相信愛相信 我的娘子
恁翁毋是白賊 毋是講古予妳聽
愛相信愛相信 我的娘子
咱只是這馬較散 以後一定一定會足好額

我的心肝 所有的酸甘苦汫 想欲佮妳分享 攏總來予妳知影
一直啊 知道你真正愛我 袂習慣講出聲 總是囥佇心肝
這首歌 唱予阮娘子一人聽 頭前坎坷路途有妳佮我鬥陣走

請妳愛相信愛相信 我的娘子
恁翁毋是白賊 毋是講古予妳聽
愛相信愛相信 我的娘子
咱只是這馬較散 以後一定一定會足好額

我的心肝 所有的酸甘苦汫 想欲佮妳分享 攏總來予妳知影
一直啊 知道你真正愛我 袂習慣講出聲 總是囥佇心肝
這首歌 唱予阮娘子一人聽 頭前坎坷路途有妳佮我鬥陣走

雖然會冤家毋講話 看誰人擋袂牢先會失禮
日子一直過這款的滋味真歹解說

我的心肝 所有的酸甘苦汫 想欲佮妳分享 攏總來予妳知影
這首歌 唱予阮娘子一人聽 頭前坎坷路途有妳佮我鬥陣走