詩響起

作詞：武雄     作曲：王俊傑

編曲：王俊傑

思啊想啊起～ 我來為你念歌詩
露一點 草啊一支 先苦而後甜
有曲無詞講無理 有詞無曲唱袂水
故事對頭思想起 聽我來講起

思啊思想起～ 歌聲擱再獻乎你
世間情啊無道理 愛．著卡慘死
緣份啊只有兩字 欲寫難過登天
有緣相逢在千里 無緣就放乎去

思啊思想起哦 世事愈講喉愈淀
百樣人啊一樣米 好歹無塊比
人若無照天理 天 就無照甲子
勸咱做人勿鐵齒 惡馬有惡人治

思啊想啊起 咱的歌聲擱響起
一千年啊一萬年 不通來放袂記
出世是台灣人 吃的是台灣米
為著子孫為鄉里 大家著愛覺醒
大家著愛覺醒 思啊想啊起阿
思啊思想起哦 思啊想啊起