楊肅浩
作詞：楊肅浩 作曲：楊肅浩
編曲：賴威成
監製：蘇通達
自細漢老師就教阮讀冊 愛讀冊
講啥物出社會揣工課 就愛看學歷
啊是講做大官的 敢若 攏無 無讀書
上愛踮遐歕鼓吹 規工 規工 練痟話
嘿 歹勢歹勢 阮嘛想欲做一个春風少年家
欸 哪會按呢 茫茫渺渺只好來問天公伯
只是想欲講一寡話 佇這个亂亂的生活內底
想欲想欲講一寡話 佇這个冷冷的社會
敢有人陪阮講一寡話 講看覓仔未來的路是欲行去佗
城市的路闊闊 人仝款那爾濟 阮頭犁犁
阮嘛拍拚 認真認真咧做工課
做甲愛人仔擋袂牢佮咱咧起冤家
啊是講阮嘛毋敢問伊 問伊當時要嫁
因為身軀無錢 無車 無厝 抑無地
嘿 歹勢歹勢 阮嘛想欲做一个春風少年家
欸 哪會按呢 茫茫渺渺只好來問天公伯
只是想欲講一寡話 佇這个亂亂的生活內底
想欲想欲講一寡話 佇這个冷冷的社會
敢有人陪阮講一寡話 講看覓仔未來的路是欲行去佗
城市的路闊闊 人仝款那爾濟 阮頭犁犁