車頂美姑娘

坐火車過磅空 心情真輕鬆
車頂一位媠姑娘 目睭真活動
喙䫌胭脂抹紅紅 長長烏頭鬃
看人就用目尾送 害我心臟恰恰恰
欲問你一句話 毋知通亦毋通

坐火車到嘉義 心情真趣味
車頂彼個媠姑娘 對阮笑咪咪
予我加添著勇氣 緊緊行倚去
拄好開喙欲問伊 忽然聽著觱觱觱
想問你一句話 閣再吞落去

坐火車過鐵橋 身軀綴伊搖
耳空邊咧lìn-lòng叫 心肝像火燒
請問小姐欲佗位 敢會真稀微
若欲感覺有趣味 咱來做著好友誼
怎樣你無誠意 越頭做你去