李千娜
作詞：葉俊麟
作曲：米山正夫
製作：王希文
編曲：張瀚中
請借問佈田的 田庄阿伯 啊
啊人咧講 繁華都市 臺北對佗去
阮就是無依倚 可憐的女兒
自細漢著來離開 爸母的身邊
雖然無人 替阮安排 將來代誌
阮想欲來去都市 做著女工度日子
也通來安慰自己 心內的稀微
請借問 路邊的 賣薰阿姊啊
人咧講對面彼間 工場是毋是
貼告示欲用人 阮想欲來去
我看你猶原毋是 幸福的女兒
雖然無人 替咱安排 將來代誌
在世間總是著愛 自己拍算較合理
青春是毋通耽誤 人生的真義
請借問 門頭的 辦公阿伯啊
人咧講這間工場 有欲採用人
阮雖然猶少年 攏毋知半項
同情我地頭生疏 以外無希望
假使少錢 也著忍耐 三冬五冬
為將來為著幸福 甘願受苦來活動
有一日總會得著 心情的輕鬆