家己

作詞：林俊逸     作曲：林俊逸

外面的日頭 真明朗
我的神魂 卻是烏陰沉重
走到門跤口 幾千里
門手若是有千萬斤重

咖啡 勉強啉落一喙
心裡的澀 較贏咖啡芳

順風 失志 天有天理
剩一口氣 就拼落去
佮意無佮意 咬著喙齒根
至少我 輸贏為家己

時間 過去 當時好天
愛相信 攏會過去
放下過去 不是放棄家己 是原諒家己

大家咧講笑 咧歡喜
只有我 無法度佯憨激笑面
惦惦陪伴我 每一个你
感謝啦 雖然講袂出喙

腳步 漸漸行會振動
一杯目屎 我敬家己

順風 失志 天有天理
愛相信 只要相信
我袂孤單 我袂孤單
至少我 愛疼惜家己

我無簡單 我有價值
我就是我 唯一的我
拼一口氣 毋通放棄 愛原諒家己
愛放過家己