MastaMic
作詞：MastaMic 作曲：INK, Big Sammy
編曲：INK, Big Sammy
監製：MastaMic
唔使心急 又到10 rap up
全香港市民都想知我今年會rap乜
有明星打嚟問我唔rap佢得唔得
你估我答乜 學禁毒我堅決說不
今年娛樂圈大把新聞 唔怕悶親
都唔明點解個個明星都要瞞婚
阿Sa同Ronald有邊個估到佢哋已婚
驚嚇度爆燈
驚過話我搞大林嘉欣
以後阿Sa搭的士肯定唔使等
要搭的士咩 佢即刻Call的士陳
Angelababy最鐘意食蛋糕
估都估到 女神唔通會鐘意的士佬
志雲大師大戰ICAC
凌晨飲coffee,點知無陳豪服侍
真的假不了 結果不了了之
高調番TVB
牆頭草 好自為之
我真心信真愛無界限
唔係李亞男點會揀水平線都望唔到嘅祖藍
蘇施黃話我要賺兩億
好可惜 佢個talk每場得兩個人出席
咁都賺兩億 得兩個解釋
一係係神蹟 一係每張飛值一億
林峰擺chok樣就至叻
加個濕身大背脊
ladies you get wet yet
如果TVB有最佳cosplay獎
一定係峯峯攞獎 無人敢同佢搶
佢cosplay神探伽俐略個樣
觀眾眼睛最雪亮 你話邊忽唔一樣
讀心神探最叻唔只讀心
佢最叻讀身得閒同痔瘡談心
子丹係宇宙最強地球人
因為佢嘅真身係葉問mix陳真
一單盆景貓 全城鬧爆唐貝詩
點知 老豆仲無恥 涉嫌迷姦模特兒
上有咸濕嗲哋 下有弱智女兒
唐氏家庭愛生事全家愛上報紙
Mr 嘅Alan果然言出必行
情慾化身偷嗒人未婚妻嗒得好過癮
林依麗大口氣笑人歌星仔
我想問邊個知呢個阿嬸係邊位
2010香港勁多勁歌
每次聽安哥尖尖尖 loop住勁播
係謝金燕嘅嗶嗶嗶教識我
只要老母性感就有很多人call
林欣彤大熱贏咗超級巨星
可惜毒男至愛永遠係Stephy加傅穎
唔使rap最緊要怪
廣告加段rap保證產品大賣
你有無鼻敏感
你鐘意食意粉
你有無去健身
唔使審 屎橋係邊個諗
如果你想你段廣告rap好聽
記住我個名 我叫做MASTABRAND
世界盃有八爪魚保羅估波
香港都有個黃婉曼講波
佢有波有天氣
佢講波有面俾
但我想問你
你想睇波定睇天氣
烈女不怕死但怕會無得嫁
恭喜千FA唔使怕sip 灶隙
以後無人再唱神啊,救救我
因為失戀王山雞哥都娶咗個老婆
香港申辦亞運 唔少得小明同李家仁
李家仁醫生係新一代MC仁
小明上廣州 係咪小明參加亞運
比賽抱住個冬瓜猛咁趙 小明係冠軍
最低工資係幫工人定幫商人
麥記一個餐都賣緊三十蚊
張宇人肯調整薪金至每小時廿蚊
我即刻捐曬我副身家俾關愛基金
財爺話留意見唔使留鬚
我嘅意見呢係財爺唔識撈
個個市民都希望你學謙哥個套
派錢又派Iphone市民個個讚好
維基解密爆秘聞爆秘密
最大嘅秘密係佢點解有咁多咁多國家機密
唔通最秘密嘅係阿桑奇真正身份係我哋祖國嘅國產007
香港擁有最健全司法制度
原來親戚係法官就可以打差佬
惡有惡報未報係時辰未到
恭喜amina 聖誕老人都救你唔到
男仔識女仔前要先上少林習武
唔識金鐘罩俾人劏肚你會點擋刀
潮流興生仔搵代母
李嘉傑無性繁殖照生3個小寶寶
第日你要對呢3個細路爆粗
記住唔係講do 你老母 係do 你代母
八通達公司發達真輕鬆
賣完客人私隱仲詐傻扮懵
諗住可以將責任一掃而空
用八通達等於將自己私隱大贈送
大家樂得大商家快樂
老細夠刻簿員工唔夠佢惡
剋扣員工食飯錢佢就側側膊
多得政府聯手衰嘢又唔多覺
用幾百萬為香港飛龍加三條線
不如每個老人家嘅生果金加三千
乜呀導遊珍竟然惡到咁
遊客唔買金俾佢抦鑊金
肯定事出有因一定有竟滾
唔通佢仲耿耿於懷劉華舊年結咗婚
前亞運女將靳索X富商
無人想知真相但都想知X富商真樣
菲律賓特種部隊係特別無gut屎
救人資定殺人資 總統仲笑咪咪
總統夠可恥 國民影相擺甫士
出事港人 rest in peace
我哋為你討回公義
華叔用一生為香港人服務
我哋會繼續為你堅持民主之路
一張空凳 代表和平聲音
一張空凳 有人為自由犧牲
中國人係時候為民主企起身
諾貝爾同我哋與民主同行
人民富予你權力
係為人民作打算
無為人民打算都算
仲要拆人民家園
你話你有權 拆毀菜園村
捍衛家園叫極端
拆毀菜園係咪極權
係邊個契弟放火燒南生圍
唔使估肯定係班地產吸血鬼
今年有三位人士特別要致敬
許細文 曾敏傑同埋黃福榮
捐肝嘅許生係器官捐贈之星
曾敏傑同黃福榮係義工嘅精英
自動請纓顯出生命不怕困境
佢哋為身邊人帶嚟光明
估唔到社民連都有個甘乃威
馬草泥呢劑變成地底泥
政治烈士原來都係咸濕四眼仔
副業係示威正職亂搞男女關係
有人話五區公投係浪費公帑
起碼人哋為民主唔係大隻講
原來民主黨同阿爺傾掂當
所以爭取普選佢諸多籍口推搪
我想知佢係愛港定愛黨
佢愛黨要賣港
偽民主嘅民主黨
蟻民佢唔會幫
為民請命你唔使望
正宗日防夜防 最終家賊難防
最犀利都莫過犀利哥
犀利到連新聞台都有講過
不過各位潮人唔使羨慕咁多
只要香港由Bowtie掌舵
好快成街都係犀利哥
奴才Donald點配做香港領導
大賣起錨廣告事實係改變唔到
我決定向消委會投訴
投訴廣告內容不實純粹誤導
睇到香港市民鼓噪
今年聖誕特首變Hip Hop大使
諗住啲鬼主意會得到後生仔支持
點知又出事 我有個好提議
下年聖誕個時
特首同我rap次D.O.G.
一年嘅準備
一年嘅心機
一年嘅努力制造一隻Mixtape
2011 2月19 做好準備
The New Hope Mixtape
馬米約定你