Michael黎曉陽相約八十多歲嫲嫲溫馨看日落

Michael黎曉陽在他創作的歌曲中，流露出對香港的愛護和關心。但同時他更是一名孝順仔，想將自己用兩年時間完成的新碟，親手送到嫲嫲和媽媽手上，並且和她們一起在西環欣賞日落之際自彈自唱，為最愛們留下對這個城市最甜蜜浪漫回憶。

Michael解釋説：「大家時常說一生何求，珍惜眼前人，但多數都只係花少少時間同屋企人飲餐茶就算。點解唔可以同佢哋做一啲自己平時會做嘅事？例如去西環睇日落。呢度平時好多後生仔女一齊嚟，咁樣同嫲嫲坐低吹下風，傾下計影下相，做一啲後生仔都會做嘅事，其實係一世都會記得，好浪漫嘅一件事。呼應《Before I forget》，要喺忘記之前，記低動人嘅畫面。生命中有啲時刻太難忘，希望呢一世都唔會忘記。」

之後Michael拿著結他問嫲嫲，知不知道他的新歌叫甚麼名字？嫲嫲說有在facebook看到，不過只記得歌名有個「茲」字。隨之，Michael自彈自唱出新歌〈阿茲與海默〉，再問嫲嫲最喜歡聽甚麼歌。嫲嫲當然說：「你唱咩歌都好聽啦。」然後他也等不及答案便自彈自唱出〈似水流年〉，問嫲嫲開心嗎？嫲嫲只笑著說：「你到時就會明白，感受唔係講出嚟嘅，係自己臨瞓前自己回味嘅，今日同個孫好開心一齊睇日落。」

其實Michael 的最愛又豈止嫲嫲，因受疫情影響，新碟推出也未能與歌迷聚會。所以他特別在個人網頁招募了五名歌迷，把新碟親手送到他們手上，更現場唱出對他們有特別意義的歌曲。對於Michael這個窩心的舉動，歌迷們亦大為感動。

即聽新碟，回味記憶中的溫馨與浪漫