新人Elly重新演繹黎明金曲〈送你一瓣的雪花〉

英皇新人Elly（艾妮）今日（13日）推出翻唱作品〈送你一瓣的雪花〉。2020輕熟女聲Elly，以輕熟女生姿態推出全新發燒概念專輯，從女生角度出發，訴說戀愛中由萌芽到枯竭每個必經階段。專輯精心挑選了90年代至00年代香港樂壇流行經典愛情作品。首發翻唱單曲〈送你一瓣的雪花〉是黎明的悠情經典之一，經由香港Jazz大師Patrick Lui雷柏熹先生重新編曲，「發燒HiFi教父」劉賢德（HiFi德）監製指導Elly重新演譯。

Elly表示〈送你一瓣的雪花〉是與公司選曲時第一首決定放入專輯的作品，自己亦向來喜歡輕悠的曲目，「呢首係黎明咁多嘅情歌入面我係非常喜歡嘅一首，再加埋由大師Patrick以Jazz方向重編，希望可以俾到大家另一種感覺。」除此之外，監製的劉賢德更發掘出Elly的新聲音，「錄呢首歌時，德哥教我要好sweet好sweet，錄出嚟之後個反應都好好，因為我從來都未試過有把咁sweet嘅聲，放到非常輕，好似啱啱瞓醒嗰種、同男朋友講嘢嗰種感覺。德哥喺hifi界真係一個十分之有份量嘅監製，今次有佢幫我監製，我係感到非常之榮幸、好開心。」

而拍攝MV則選址石澳石灘，拍攝當日氣溫高達三十三度，更要曬足五小時拍攝，甚少曬太陽的Elly笑說：「其實我係好少出去曬太陽，今日係曬咗我成年嘅太陽，哈哈。」除了在烈日當空下曝曬，期間Elly更要爬高爬低，「之後我哋上咗啲比較高啲嘅位置，其實爬上去有啲難度，因為我今日着嗰對鞋係有啲platform，好驚會跌落嚟，哈哈。同埋今日試咗啲航拍嘅shot，覺得幾得意，但我有啲驚，因為我覺得佢飛過嚟嘅時候有啲似蜜蜂飛過嚟，我好驚呢啲嘢，不過都ok嘅，我覺得好開心。」

即聽〈送你一瓣的雪花〉，感受Elly重新演繹的不同風格