為拍MV show靚身段捱餓30小時 Anson Lo〈Burn Out〉首度填詞自爆情史

Mirror成員AnsonLo第二首派台作品〈Burn Out〉於8月12日推出，今次他首度親自作詞，當中內容更與自己的情史有關，而早前拍攝歌曲MV時，他為了上鏡更好看，竟在連續30小時未有進食的情況下又唱又跳，意志力驚人。

〈Burn Out〉是借蠟燭形容一段燃燒殆盡的感情，AnsonLo表示：「今次自己作詞，係好personal嘅作品，當中有好多愛情觀同埋歷史想同大家分享。」為了配合歌曲的浪漫感覺，今次MV特意揀選了一間帶點復古味道的餐廳取景，AnsonLo更以多個不同造型示人，其中一套西裝更將恤衫開胸至腹部位置，Fit爆身形表露無遺。為了上鏡好睇，AnsonLo特意在拍攝前一晚已開始禁食，加上拍攝超過12小時，捱餓30小時又唱又跳，專業精神可嘉。

AnsonLo說：「我只係飲黑豆水撐住生命，但驚喜地唔太辛苦。為咗上鏡嗰一刻夠瘦夠靚，所以即使見到嘢食，譬如工作人員喺我面前食晒薯片，我都忍到冇攞嚟食，所以意志力好緊要。」不過拍到日出前30分鐘時，AnsonLo坦言已經又攰又餓，所以拍攝過後一定要先吃碗牛腩河才會去睡。

既要保持美好身段，又要跳出水準，AnsonLo坦言今次拍攝〈Burn Out〉MV壓力很大，所以他除了找來肥仔@Error為他排舞外，更厚面皮地主動要求Edan及Jeremy前來探班，不過好兄弟一call即到之餘，眾人更來個角色扮演，Edan刻意穿上一身黑裝扮成PA，在現場又主動幫忙搬枱執拾；Jeremy則拿起熨斗充當造型師幫手熨衫，為兄弟事事都在所不辭，二人的舉動教AnsonLo十分感動，更明言之後會請大家食飯。

至於肥仔，他今次特別應AnsonLo的要求，排出既Sexy又帶點Gentleman的舞步，而且更提供一站式服務，排舞之餘更構思了鏡頭走位運用，實行幫到盡。被問到AnsonLo的舞技如何，肥仔說道：「我舞技出眾就梗㗎啦，但AnsonLo就喺我之上。我老喇，要退位讓賢，要交俾呢啲後生仔去做。」AnsonLo聽罷大嚇一跳，更笑言：「平時肥仔都唔會咁講嘢，今日咁Humble（謙卑），好驚！」對於肥仔的編舞，AnsonLo表示超級收貨，因為肥仔按其要求全部做到，他更說：「肥仔創咗一啲我完全未做過嘅舞步，例如喺地下嘅趴撫，性感不失紳士風範，十分好。」

即聽〈Burn Out〉，細味Anson Lo的個人獨白