Sammi新歌〈如何忍眼淚〉 揭人生新一章

Sammi鄭秀文去年一首「至尊金曲」〈我們都是這樣長大的〉唱到街知巷聞，歌迷期待已久之下新歌〈如何忍眼淚〉終於面世，由於歌名驟眼看和Sammi的經典歌〈如何掉眼淚〉似乎十分有關連，不過Sammi説原來故事並不如歌名字面般想當然，與其説是延續，不如寫成是人生另一篇章新的一頁。

Sammi解釋：「就咁睇歌名當然好容易覺得〈如何忍眼淚〉係〈如何掉眼淚〉嘅延續篇，但以我嘅理解就係唔一樣嘅事，不過流眼淚或者傷心呢個狀態，其實可以分好多唔同嘅層次，可以從好多唔同角度去描述，作詞嘅Wyman (黃偉文)聽到我俾佢嘅demo之後，就選擇咗而家呢個角度去寫。Wyman嘅詞真係幫首歌增添好大力量，亦都幫到我好多，我一收到份詞已經好易代入角色，入到去嗰個情緒。所以今日嚟到MV拍攝現場，我一聽到首歌、感覺下啲歌詞，馬上就投入返首歌嘅世界，好容易入戲，包括我嘅手指。」

Sammi口中説的手指會演戲，其實是指MV中隔空和想像中數十呎長的魚躍巨型鯨魚做戲，由於MV中使用大量特技，Sammi在現場需要憑空幻想，然後伸手觸摸不存在的巨鯨，不過一埋位Sammi立即發揮她的精湛演技，手指尖也充滿感情地和巨鯨互動，完全不像是對著空氣幻想出來。

去年在〈#FOLLOWMI鄭秀文世界巡迴演唱會香港站〉上，Sammi找來了女歌手Shimica和她合唱了〈信者得愛〉，原來Shimica除了唱得之外，也是一位作曲人，一次合作之後也為Sammi帶來了今次這首好歌。她說：「今次幫我寫曲嘅Shimica，我認識咗佢之後，知道佢原來除咗rap好犀利之外，多年來都做咗好多創作，咁就問佢攞咗啲demo，喺眾多新創作中，我對呢首歌嘅 demo感覺特別強烈，而整個製作也是她的班底，我感覺好有新鮮感。」

即聽〈如何忍眼淚〉，與Sammi一同打開人生新章節