JNYBeatz feat.193〈你是我的Bae〉 與193拍MV爭女
樂隊Dusty Bottle解散後，鍵琴手及創作大腦JNYBeatz以Producer Artist姿態繼續音樂路途，聯乘193郭嘉駿@ERROR推出首支派台歌〈你是我的Bae〉，由主力幕後工作搖身一躍到幕前，唱、作、編、監樣樣皆精。〈你是我的Bae〉能夠featuring 193，當然要與對方一起拍MV，更邀請到有「港版赤木晴子」之稱的Mandy譚旻萱擔任女主角，帶大家投入歌曲中的曖昧與甜蜜之中。
〈你是我的Bae〉MV的故事講述JNYBeatz與193招數盡出為奪得Mandy芳心，當然少不了霓虹燈下耍帥與跑車場面，襯托歌曲R&B、Hip Hop的氛圍。JNYBeatz、193與Mandy都是後生仔女，一同拍MV很快熟絡，不過JNY則表示有點緊張：「係需要啲時間warm up，始終係自己第一個MV所以有啲緊張……」在旁的193打趣問：「定係驚同女性有身體接觸老婆會嬲呀？」JNY說：「兩樣都有啲啦。」
而Mandy都覺得JNY很入戲，塑造出一個高冷慢熱的形象：「佢比較慢熱，所以我要aggressive啲，不過熟絡啲之後就拍得好舒服。」193發揮搞笑本色插嘴說：「JNY有家室㗎，啲用字小心啲呀你，哈哈！」他亦笑言會自己加戲，因為在車上引發很多遐想。整個MV拍攝過程在一片歡樂的氣氛中度過，即使通宵拍攝到朝早8點亦不見他們有倦意。
以往JNYBeatz主力幕後工作，今次「踩過界」其中一個目的是希望將不同面貌的廣東歌帶上主流樂壇，他表示：「香港真係冇人做呢啲嘢呢啲音樂，主流好鍾意溝女歌，好鍾意情情塔塔，分手呀，但係冇啲好有型嘅溝女歌。」193亦有同感：「我都想帶啲另類啲，so called indie啲嘅音樂帶上主流，因為香港聽嘅音樂類型真係好窄，第一次聽已經覺得『呢首爆喇』！」193笑言：「呢首歌target到MK妹嘅，不過係大啲嘅MK妹，哈哈！〈睡到三點〉係細啲嘅MK妹，〈你是我的Bae〉是廿幾歲嘅MK妹，MK妹一定聽情歌，而且呢首歌詞係有啲意思過〈睡到三點〉，一定爆呀！」
延伸閱讀
最新文章列表
