泳兒新歌坑渠玩到落海 Yumi、Archie大嗌恐怖

2019年年初，泳兒（Vincy）找來合作多年的詞人周耀輝為整年的歌曲系列擔任概念指導，並決定以「花」作為主線，透視Vincy心中的種種遐想；2020年，周耀輝再為Vincy操刀，順着悅目的「花」從地上墮落到地下，流在我們心中的「溝渠」；來到2021年，「海洋」，是第三部曲的主要概念。Vincy表示：「完成咗『溝渠三部曲』，之後就開一個新嘅章節，呢個章節由地底嘅溝渠流向大海，新歌就叫做〈荊棘海〉。」MV正式上架。

Vincy解構歌曲內容，「每個人生命裏面，可能會遇到好多唔同嘅考驗、掙扎、苦難，當你去承受呢啲嘢嘅時候，你會覺得有啲荊棘刺喺你身上面，有啲傷痛、痛楚，呢個感覺就好似你要不停咁掙扎去離開一個荊棘海，但呢啲經驗同苦難將會入咗你個心，你身上面會生出一啲荊棘，令到你更加強大，只要你願意跨過呢個荊棘海嘅話，就會有未來。」

MV方面，這次繼續找來過去合作無間的Sheng擔任導演，團隊走訪了南生圍、龍蝦灣、大網仔村及海星灣四個場景，從上午十一時拍到第二天上午七時，拍足二十小時。由於要配合MV氣氛，團隊特意租用一間神秘感十足的大屋，工作人員更千叮萬屬Vincy切勿隨便亂動大屋內的擺設，令Vincy頓時「起晒雞皮」。除此之外，拍攝期間，Vincy更被自己嚇親，「喺山上面跳舞時，突然間有隻好大嘅蜜蜂『嬲』住我，因為我好驚蜜蜂同埋好大隻，我就大嗌，同事話：『走咗㗎啦走咗㗎啦。』但我望到未走，一路喺我手上面，同事堅持話走咗，我話冇，最後我再望，原來係我自己黑色嘅指甲嚟，哈哈。」

MV首播後，Vincy於社交平台開直播跟網民討論新歌，原來Vincy的「聲夢學生」冼靖峰（Archie）跟鍾柔美（Yumi）亦有觀看「老師」的直播，難得聚首一，Vincy便邀請二人齊齊直播，Archie亦十分識做，第一時間表示自己已看過MV，「都係我一貫作風，我都係聽唔明。」更着Vincy 講解歌曲內容，十分搞笑。Yumi也則謂MV電影感十足，「好似一套戲咁，一開頭我係有啲驚，但係見到泳兒老師喺度我唔驚啦。」Archie亦十分同意，「一開始好暗黑嗰種感覺，令人好毛骨悚然。但你一出場嗰吓，我就舒服咗啦即刻。」聽到學生觀感，Vincy即笑說：「我係嘗試演到有啲恐怖㗎喎，但我一出嚟你哋就唔驚，咁好失敗喎。」

即聽〈荊棘海〉，接受傷痛