折骨 BEN 出道作〈粉身碎骨〉 演繹壯烈淒美的愛情

以「折骨舞」稱冠的趙祥誠（BEN）今年正式加盟寰亞唱片出道，首支單曲〈粉身碎骨〉千呼萬喚，MV 同步上架。由於場景布局多變，而且除了跳舞還加入武術，MV 拍了足足 24 小時，消耗大量體力，然而終於嘗試期待已久吊威也，BEN 揚言成就解鎖，甚至忘記對畏高的恐懼。

BEN 說：「〈粉身碎骨〉呢首歌係講一個人，為咗鍾意嘅人或事去到好盡，甚至粉身碎骨，好壯烈和淒美嘅感覺。第一次聽到首歌嘅 Demo 時，感覺好舒服，尤其是副歌部份，而且 Rap 嘅詞同我嘅意念以及跳舞好有關聯。」第一次擁有真正屬於自己的歌曲和 MV，BEN 表示好興奮，他說：「以前參加比賽時都係團體合作，而今次 MV 由歌曲到所有場景、服裝，台前幕後都係為我而做，感覺好『正』！我要非常多謝所有工作員和設計今次 MV 故事嘅團隊，辛苦晒大家！」

〈粉身碎骨〉MV 中，BEN 與女飛賊爭奪寶物，在布置成鳥居的場景大打出手，初嘗吊威也滋味的他說：「下半身被威也戚住，大髀位有啲痛，加上我本身有畏高，心情好緊張。有啲動作以為自己 OK，但其實係 NG，吊住嘅時候因為手腳都離地，頸和腰都要更加出力，為咗做啱表情，我忘記咗畏高嘅恐懼。雖然吊威也超級難，但自小睇古裝劇、電影、科幻戲，見到演員吊威也，我一直都好想嘗試，今日終於成就解鎖！」

即聽〈粉身碎骨〉，為愛粉身碎骨