樂壇新人黎展峯毫不起眼？ 新歌〈To Go〉MV 瘋狂吃茄膏、淋紅油

今年的樂壇新人黎展峯（Andy）推出第二首全新廣東作品〈To Go〉。Andy 發表了第一首作品〈跳〉後，團隊問他對自己對未來有甚麼想法，他便寫了十一項，簡單來說，就是很多事情想做，但從不知從何做起。填詞人周耀輝想起了他碰到的一些年輕人，再對應 Andy 的現況，於是便有了〈To Go〉。

Andy 表示新歌是〈跳〉的延續，「當我哋跳到去一個新嘅地方，究竟我哋要點樣去適應一個新嘅環境呢？同埋去搵一啲自己鍾意嘅嘢？成個過程，最重要就係心態。喺歌詞入面，見到好多『you never know』、『it's gonna be a long time to go』，就係叫你唔好淨係試咗一次你就覺得唔適合自己，試多啲試耐啲，你就會覺得其實係啱自己。今次隻歌最主要係想大家可以好 free、好享受生活上每一樣，然之後去搵自己、適應佢。」

新歌更是自己出道的寫照，他說〈跳〉是周耀輝送給他的一份禮物、一個提醒；〈To Go〉則是周耀輝因應他出道後而寫的一份詞，「出道後，我要適應出幕前生活，要去搵自己嘅定位、角色、image，所以好多時都要學識適應。」Andy 坦言推出第二首歌比第一次更加緊張，因為每一次都更有新鮮感，對新的作品更加有期待。他透露這首歌比〈跳〉加入了更多自己的意念，「多咗自己嘅 idea、自己嘅元素，所以都好想睇吓究竟自己嘅諗法喺觀眾層面上大家會唔會鍾意。」

MV 拍攝方面，造型師特別為 Andy 設計了一個全新形象，Andy 自己亦表示十分喜歡，「個頭真係漂咗好耐，同埋我個妝係有一點點雀班、又帶埋 colour con，所以都好多謝化妝師同髮型師。呢一身造型真係好青春，成個場景有好多紅色道具，成個畫面係勁 colourful、勁好睇，大家一定要留意。」MV 主要分為兩個場景：「messy room」和「monitor room」。當中在「messy room」一幕令 Andy 十分深刻，「我拎住一個透明大波波，然後印紅油上去，之後將個波波周圍掟，掟到成堵牆都似淋咗紅油，係好瘋狂嘅一個狀態，同我自己性格好唔同，反差好大。」

除此之外，Andy 謂他在 MV 有很多幕流眼水的鏡頭，「因為視覺效果需要，其中一幕導演叫我瘋狂吃茄膏，當見到鏡頭對住我，我就拎住一大罐不停咁食，酸到我不停飆眼水。後來拍完，導演話下次唔洗咁認真，其實你唔洗咁大啖，扮下食都 OK！ 哈哈哈！不過我覺得好好玩，今次拍攝係非常之順利。」

即聽〈To Go〉，一直在適應