MC張天賦新歌〈花海〉唱出真實愛情觀 拍張蔓姿執導 MV 靠跳舞提神
MC張天賦以首次紅館演唱會及第二張個人大碟《This is MC》總結自己過去兩年的成長後，以新作品〈花海〉展開全新音樂計劃。新歌講述主角邂逅一名女子後對她念念不忘，並漸漸墮入迷戀她的一個「花海」，不能自拔，問到 MC 歌曲所講的同佢嘅愛情觀相似嗎？有沒有一個對象可以去唱呢首歌？MC 認真思考後表示：「目前嚟講應該係未有嘅，可能喺唱嘅時候憑空想像一個，不過的而且確我都覺得係同我嘅愛情觀都幾似嘅⋯⋯唔加以解釋！哈哈！」
今次〈花海〉MV 找來 Gigi 張蔓姿做導演，是二人第二次合作拍 MV，因為 MC 覺得新歌很適合之前由 Gigi 執導的〈Loser〉MV 風格，所以邀請她再度合作。問到今次 MC 最喜歡 MV 哪部分，從上年開始多了跳舞的 MC 自言最鍾意在房內跳舞的部分，「因為拍到有啲眼瞓啦，所以呢個環節的確令我醒一醒嘅！同埋我都好鍾意燈光嘅運用同場景設計。」MV 中 MC 被電視機裏面的女子迷住，問到佢有冇試過咁迷戀一個角色或者偶像？MC 回憶話：「我好記得喺青春期嘅時候睇過一套電影，入面個女主角其實都唔算係有太多我喜愛嘅元素，但係當時睇完呢套戲之後，確確實實因為呢個女主角而翻煲咗好多次，所以我都稱得上曾經有段時間迷過佢嘅！」就是《乜都得先生》當中的 Zooey Deschanel！
今次找來 Gordon Flanders 創作新歌，MC 談起合作由來：「好耐之前已經有聽過佢嘅歌，得知佢有寫歌比洪嘉豪，於是我都親自邀請問佢可唔可以寫首輕鬆、輕快啲嘅 R&B 歌曲比我，於是乎就有呢首歌嘅誕生!」MC 亦透露由〈花海〉開始嘅全新計劃入面會玩不同風格、類型、心情、溫度嘅歌，更自爆「再之後會有一首比較激昂啲有啲似〈小心地滑〉嘅歌！」
看更多
最新文章列表
