伊

作詞：陳彥寧 / 花戀蝶     作曲：陳彥寧

船螺的聲 送著你要起走 伊就站置港邊金金看
看你的影 像飛去的鳥隻 何時才會回來嘛無人講會定

自你細漢 溫溫啊甲你晟 驚你餓來又擱驚你寒
你甘有想 伊到底為著啥 為何甘願大小項攏伊家己擔

你講人若大漢攏要出去外面的世界打拼 為家己的夢
你講你一定會成功 賺錢回來起厝乎伊住
甘講你不知影

伊望的 從來不是有新厝通好住 只望你的陪伴
女人一生的運命 講來講去攏是為著子

天頂的月 是唯一的陪伴 伴伊等你回來甲伊看
一張一張 撕落的日曆紙 逐張頂面寫的攏是伊的孤單

你講人若大漢攏要出去外面的世界打拼 為家己的夢
你講你一定會成功 賺錢回來起厝乎伊住 甘講你不知影

伊望的 從來不是有新厝通好住 只望你的陪伴
女人一生的運命 講來講去攏是為著子

你甘知 伊沒想過這世人要好命 只望你的陪伴
講袂出嘴的心晟 是每一個作媽媽的痛

你哪忍心看伊塊孤單