MastaMic
作詞：MastaMic 作曲：陳瑋洛
編:陳瑋洛
監:MastaMic/陳瑋洛/Joey Lam
一年一rap up 今年會rap乜 有人等得好心急 我就rap 得好心噏
今年rap得乜唔rap得乜無乜唔rap得 聽完rap up祝大家雞年食得瞓得行得走得行運大吉
潮流教主陳豪一身造型 你估吓Karl Lagerfeld睇到係咩心情
從來時尚品味都係非常個人 試問邊個敢學呀GEM咁樣蛆蟲上身
Edison風騷戀中國超模 點講都好你始終係男人驕傲
港姐李珊珊竟然販賣后冠 原來佢只係想為慈善出一分力籌款
唔通黎明對個J字情有獨鍾 佢間公司似乎只有J字頭先可錄用
張名雅開whatsapp group捉鬼 原來有人唱佢哋開門利是出手低
林二汶四個月喪減60磅 最佳人版證明肥人都仲有希望
超儀話阿除多手有分享症 我估佢都只係戥陳子聰康復所以高興
吳雨霏之前小產非常不幸 不過相信BB都唔希望見到媽媽傷心
如果要睇黎耀祥壁咚激嘴毛舜筠 咁我寧願睇阮兆祥激咀邵音音
茜莉妹大戰網絡紅人Miss Hunny 有人顛倒是非黑白理由太過funny
李嘉欣滯留札幌機場發曬脾氣 想走冇得飛真係天氣不似預期
據聞崔建邦力媾呀野人 聽個名都知呢件嘢係好惡哽
黃子華舊年唔再攪棟篤笑 拉埋法拉做舞台劇票房一樣夠照
明蝠俠4D演唱會差啲冇得做 個死因係中國製造嘅防火布
即使面對關公災難都輕鬆過渡 金句王果然仲係寶刀未老
跟手再嚟多個白咖啡廣告 搞到網民成晚洗版想停都停唔到
黎明 揸住車rap 搖身變做MC fans記住 鐘意就鐘意 唔好講咩L I K E
一直等待音樂才子張如城推出新歌 一聽佢首紅日之火就知道此歌必火
903嘅當奴被麻利fans襲擊 希望呢場狂迷風暴可以早日平息
千人場館觀眾得300人仍表現落力 邊個單位咁專業之唔係FFX
五月天歌迷竟喺紅館求婚 可惜阻人演出成件事變咗乞人憎
XJapan Yoshiki個唱突然取消好濕滯 好彩最後皆大歡喜個個有show睇
阿Kay陀B女我都戥你高興 等你生完我再搵你去featuring
熊黛林榮升做百億新抱 我諗佢終於可以擺脫俾人叫做城嫂
潮流興復古結婚地點唔怕老套 所以謙謙楊怡婚禮地點都係英國古堡
女神顏卓靈被白只私有化 原來真係有女仔不愛外貌愛才華
石天欣慳家結婚用＄100婚紗 真正幸福邊洗下下請咩著名designer
舒琪馮德倫突然閃婚 男才女貌無可否認係羡煞旁人
Miki拍拖10年嫁永安太子 你估佢仲會唔會去其他百貨公司
吳若希暫別娛樂圈生B咁好野 咁以後咪冇得聽佢講點解嘅
身為處女點可以奉子成婚 背後原因不如一齊問吓鍾嘉欣
王君馨提交排期結婚申請 處女檔終於結束一黨專政
柏豪結婚相信fans都感到高興 但相信最傷心應該係岑晉晴
連我嘅女神雪雪都走去嫁人 我聽到個陣直頭忟到想去打人
李心潔有好消息陀有孖B 希望彭順唔再偷食做個好daddy
蔡雪瑩嫁個好老公 恭喜恭喜 作為老死都祝你哋白髮齊眉
今時今日一紙婚書未必永恆 S.H.E. selina 結束五年嘅婚姻
方力申鄧麗欣10年童話未結先分 分手係10週年紀念日多得葉念琛
裕美背夫會黃子恆關係撲朔迷離 好多版本真係公說公有理婆說婆有理
練海棠公然偷食食過返尋味 搞到老婆伍詠薇要出嚟執手尾
型男畢彼特出軌搞到要離婚 以後仲邊有人敢唱愛是永恆
陰公遊學修被蘇麗珊飛 換過角度諗諗代表我仲有機
大劉呂麗君分手頭版登聲明 甘比呢劑真係守得雲開見月明
李潤庭公然偷食人妻咁狂妄 奉勸巴打們如果偷食記住東張西望
16年至hit韓劇莫過於太陽的後裔 幾時大台照dup整返套太婆的後裔
ViuTV G1格鬥 8條女 隻揪互隊 幾時都話幾個女人圍埋一個墟
鄧健泓選擇離開大台都係正常 我最記得都係佢當年嗰首直上
有人為咗電視節目糟質自己 睇下真係PK嘅Kevin仔主持嘅真PK
全城熱話跟住矛盾去旅行 下次我提議不妨請蘇永康同梁頌恆
不過如果怕話題太敏感 可以考慮請viutv高層伙拍馮景恩
葉蘊儀同連peace雅一齊去旅行 睇完終於分到咩係港女咩叫做女神
熱血棒球電影點五步 話俾你知成功始於行出嘅第一步
四度提名奧斯卡鎩羽而歸 里安立度憑復仇勇者終於首奪影帝
屍殺列車其實冇乜特別 只要你朝頭早返工試過搭港鐵
大閘蟹小姐選舉咁都諗到 咁比賽準則係鬥多毛定係鬥多膏
無缐J5新聞報導 字幕變簡體 唔通因為咁搞到收視越嚟越曳
大台拍咗套劇以殭屍為題叫僵 咁都唔搵萬綺雯做女主角都算夠姜
巨輪嘅主角應該就係高天鷲 以亂倫為題嘅劇集都算絕無僅有
今年大台頒獎禮收視創新低 唔通係因為定欣做視后展鵬做視帝
服務大台25年李錦聯離開咗 咁以後咪冇得睇佢同大王互相駁火
主播余浩宗被照肺含淚報導新聞 頭髮剪得過短就係佢嘅死因
絕地武士大鬥葉問邊個會中招 對住宇宙最強May the force be with you
新城炒咗30人搞到風雲變色 多謝銳哥呢句都變成集體回憶
放心講到分獎仲有毛記分獎禮 但係佢哋請嚟請去都唔請馬米
再見我哋嘅GAG王盧David 你嘅爛gag永遠都係充滿個人特色
馮克安食道癌去咗天家 又一位敬業嘅演員離開大家
杜如風爸爸逝世仍然忍痛開工 係度衷心希望你早日走出傷痛
講起動物明星要數阿笨與啊占 不過可愛嘅阿占最終以12歲高齡歸天
羅明珠心臟病突然離世 永遠都懷念你呢隻美麗嘅開心鬼
鍾景輝king sir微創醫腸癌 係度再次祝你早日好返
David Bowie係搖滾同美麗混合體 用佢一生向世人演繹何為華麗
佐治米高係聖誕節離開人間 聽住Last Christmas過佢最後一個聖誕
劉鳴偉游學修邊個先係男神 兩個package比較都係鬥老豆係咩人
聽完sine angle sine 嘥嘥嘥 用音樂去教數學證明教學無分界
蘋果加枝筆 菠蘿加支筆 蘋果菠蘿筆 要紅咁唱就一定得
恐怖書deep web收到百幾宗投訴 講真如果本書嘅內容係真咁都幾恐怖
千人送別尖東報紙檔嘅忌廉哥 做貓做到咁真係算係貓界一哥
大台節目個名叫做沒有起跑線 因為今時今日要贏就贏在射精前
Adidas憑住NMD爭番口氣 我都期待Nike喺嚟緊點收復失地
支持正版應考慮杯葛名創優品 擺明就係山寨板嘅uniqlo溝無印良品
對於Samsung部Note 7只有一個評價 成龍下次可以改口講韓國製會爆炸
多次擊敗棋王人工智能AlphaGo 唔知點解人類要發明叻過人腦嘅電腦
Pokémon GO 全城狂熱 人人捉精靈 個個都變做小智化身做寵物菁英
遊戲迷對Playstation VR情有獨鍾 科技繼續發展 遲早我哋 置身遊戲當中
一罐斷片酒搞到吳幸美鬼上身 仲有嗰個鐘意食屎嘅所謂男神
海蜇馬拉糕蒸包 鋁含量高 一周食兩底雞蛋仔隨時仔都生唔到
呢兩年網上世界好興玩挑戰 今年興挑戰定格但係我唔明嘅意義係邊
關愛座竟然變成批鬥座 只要你係後生仔有位坐你就係錯
港女係台北 上引水產 偷鮑 三個臭鮑匿係廁所食鮑包食飽
保良局副校長搞師生戀婚外情 原來阿Sa套雛妓唔止係一套電影
專上學院Ocamp遊戲舐膝頭夠意淫 唔通呢個 就係大家想成為大學生原因
李國章終於正式入住港大 以我估計港大嘅學術自由都係咁大
港大名教授疑似論文造假 校方為面子放生唔作出深入調查
好多學校驚死 禁散播港獨言論 又話香港有言論自由 咁即係自相矛盾
梁粉劉夢熊終於被人判監 咁樣唔知算唔算狡兔死走狗烹
監警會三審裁定朱經緯用警棍打人 搞咗咁耐個結論原來阿媽係女人
7-11店東被殺無辜失去生命 市民自發性捐出160萬證明人間有情
荃灣離奇浮屍竟然係盲亨個女 我諗佢條仔條命仔今次真係凍過水
幾個朋友因財失意引發水泥藏屍 一切一切最終都係為個錢字
中環街市用6億去簡約活化 但從來唔見佢哋支持本土文化
電影十年獲得金像獎最佳電影 即時引起一眾愛國電影人嘅點評
古洞多間鐵皮村屋俾人強拆 小市民幾時唔使再俾地產商打壓
長洲一到假日旅客就多到離譜 直接影響居民生活為佢哋帶嚟煩惱
假扮入境處或公安用一個電話 原來呃人幾百萬只需要一個大話
瑪麗醫院護士接二連三出錯 弊傢伙搞到病人就咁冤枉死咗
何文田站個設計相當離地 出口去到月台五百幾級樓梯行到你斷氣
全球最長壽大熊貓佳佳接受安樂死 17年嚟陪伴港人成長 衷心多謝你
維港渡海泳搞到一死一命危 大家記住做運動最緊要量力而為
的士司機將哺乳照放上網太離譜 無恥地侵犯私隱 抵佢最後被捕
的士狂撞公路維修工人 一樣為市民服務又唔見娛樂圈有人過問
你睇吓中央其實係幾大方 支聯會副主席獲發回鄉證堪比皇恩浩蕩
黃之鋒係泰國被囚禁足足十個鐘頭 但係香港政府完全無打算作出營救
譚耀宗打尖做手術點解咁都得 係咪加入民建聯就成為特權階級
陳恒鑌老婆係廣華住 私家病房 生仔 但只收普通病房價錢點解會有優惠
正所謂道不同不相為謀 學聯退出支聯會代表各自 有唔同訴求
康橋之家張建華正一人渣 性侵女院友仲狡辯應該捉佢去打靶
康橋今年八人死亡 佔院友 近一成 抵佢哋被社署釘牌 撤銷其豁免證明
Gucci發律師信俾紙紮舖指侵權 永遠只向小商户開刀真係聞者心酸
身為港樂總監竟然不分公私 百萬元合約唔避嫌益個女間公司
Lancome兩封割蓆聲明搞到自己犯眾憎 不如考慮吓中文譯名改做難堪
大家樂搵黃子華拍廣告扮曬溫情 但事實要員工日踩16個鐘刻薄無情
深水埗明哥嘅新舖北河同行 開心見到香港仍然有一班善心人
何韻詩牛丸躋身全球百大女性 真係為港爭光係我哋嘅光榮
獲頒同紫荊星章嘅牛丸陳婉婷 Respect佢為傑志訓練基地被 收回 抱不平
Hidden Agenda第三次遭到逼遷 係香港搞live house呢個行業都算高風險
01年油麻地開始嘅李小龍會俱樂部 15年後嘅今日始終敵唔過貴租
California為咗跑數成日對啲客老屈 都算天有眼終於等到佢哋關門大吉
旅遊冇得搵關鍵感覺太可惜 以後旅行 冇得再 招積 出色 舒適 超級超值
城大體育館冧屋頂聽到都嚇親 冇人命傷亡都算不幸之中嘅大幸
游惠禎話扑嘢但係搵唔到房 如果你有興趣我想講其實我都有地方
地產商近年興將啲單位越起越細 幾百萬買層樓但size等同一個車位
政府成日提 要改善住屋同土地問題 偏偏4層樓高嘅嘉湖泥頭山就無人提
政府率先向橫洲地區領袖摸摸底 人哋一反對政府就即刻淆晒底
對住市民講到有幾關心住屋問題 官商鄉黑勾結實行一條龍互利互惠
傑青王仰芳話賺錢買樓係佢嘅守則 估唔到傑青嘅評審淪落到呢種準則
拳皇曹星如二十連勝稱霸 我幫佢改個新綽號 港版Floyd Mayweather
牛下女車神李慧詩連人帶車倒地 雖然失去奬牌但香港市民一定撐你
香港飛馬涉嫌有人踢假波 係足球圈嘅錯定係個人貪念惹嘅禍
傑青胡兆康克服喪父之痛同化療副作用 贏得保齡球世界冠軍值得大家尊重
大家等咗12年嘅中國女排 係郎平帶領下終於再次奪奧運金牌
從傅園慧身上學到一句洪荒之力 從孫揚身上學到咩叫做不自量力
鄭裕彤係香港知名嘅超級富豪 呢位新世界創辦人安詳走完91年人生路
搖滾詩人Bob Dylan奪得諾貝爾 期待有日Hip Hop界都可以成為一份子
湖北大閘蟹二噁英超標太嚇人 真係唔明點解大陸咁多黑心食品
美國新一屆總統係富豪Donald Trump 叫得Donald唔慌好人你睇吓我哋嘅Donald Tsang
英國全民投票決定英國是否脫歐 純好奇一問點解當年回歸無人搞公投
泰國人太傷心因為泰王駕崩 相反如果我哋特首過身有幾多市民會痛心
DBC10月中廣播終於要停 交回數碼聲音 廣播牌照嘅仲有新城
明報執行編輯 巴拿馬報道後被解僱 編採自主 係咪已經無人在乎
大台決定唔再播城市論壇 再調頭條新聞去較少觀眾嘅傍晚
曾經嘅亞洲良心終於壽終正寢 亞視嘅停播難免令到人有一絲傷感
相信最大感觸係曾經嘅亞視人 對於停播時嗰種草草收場深表遺憾
獲發12年牌照嘅奇妙電視 將會引發電視界嘅三國演義
只要老豆係特首可以隨意打橫行 漏咗行李過關咩唔使驚有特事特辦
梁振英上任做盡壞事無日無知 直至宣布唔競逐連任 總算做返件好事
退休法官胡國興搶閘參選特首 邊個贏都好最緊要唔係淋病同葉瘤
中環民園麵家雲吞麵炸醤撈 可惜終於成為一種回憶嘅味道
再見屹立康山嘅麥當勞 學生時期我都係個度留低唔少腳毛
民政事務局馮程淑儀單換樓醜聞 原來佢老公同賭王姨仔 關係似乎不可告人
劇場刊登嘅台灣校名被迫刪國立兩字 以上係康文署驚死嘅自我審查例子
高鐵超支撥款投票場面太搞笑 陳鑑林監粗剪布 話自己 憑感覺點票
廉政公署大地震李寶蘭被辭職 似乎係梁振英對調查UGL事件嘅反擊
一帶一路一帶一路一帶一帶一路 以上全部內容就係成份施政報告
見過喬布斯嘅人相信無幾多 但係弱智嘅局長我見過我真係見過
民航處嘅新空管系統突然崩潰 堅持死都唔更換係咪要撞機先識後悔
鉛水報告解釋係集體失職 一句制度問題冇人要負責攣都拗返直
醫委會特首委任人數增加至八人 無非都係想喺唔同機構加插自己人
范徐麗泰講香港係冇三權分立 咁都夠膽講枉佢成日講要尊重基本法
屯門搞到新年大混亂嘅起源 原因係良景邨突然有好多蒙面嘅管理員
當魚蛋都可以引伸一場革命 證明當權者係如何欺壓百姓
直至我哋無辦法繼續忍氣吞聲 一切嘅反應只係表達真實心聲
對於有學生自殺我深表遺憾 為人師表更應該積極承擔責任
但局長次次有關聽證會都唔會現身 所謂對策只係每間學校發放5000蚊
張德江訪港搞到四圍封路 個幾日到處塞車怨聲載道
政府官員本身理應為人民服務 唔係好似佢咁為市民帶嚟煩惱
4級大火 將時昌 迷你倉 徹底吞食 場火足足燒左四日半先叫做救熄
兩名消防員亦因此英勇殉職 在此向佢哋致敬獻上無言感激
喺香港賣書賣到比人失蹤 一國兩制已經全面失控
特區政府最終遲遲唔出動 港人治港已經被徹底咁冰封
被失蹤原因自編自導中央屈得就屈 九噏話人撘洗頭艇吳亮星噏得就噏
係邊個打破一國兩制呢塊金漆 睇到呢度香港人真係何其心噏
當面對管治者嘅態度係如此無理 所以一定要不怕艱辛反抗到尾
我哋有一種勇氣叫做林榮基 唔好為咗一己私利而放棄正氣
有銀行拒絕傘後本土組織開戶口 你唔係想話咁都同政治無關咁荒謬
梁天琦新東補選以六萬幾票高票落敗 可以話正式確立香港嘅本土派
中學生寫信洗樓勸大家勿支持建制 估唔到年紀輕輕就已經咁有智慧
今年立法會選舉一切醜陋現象 證明政府積極干預阻止本土派上場
聲明確認書明顯係政治打壓 即使簽咗名選舉主任都可以唔批准入閘
多名民主派侯選人宣布棄選 目的都係為保障過半的關鍵否決權
鍾樹根比民建聯用完即棄 記住呢句說話退黨保平安應該幫到你
何君堯助選團恐嚇周永勤 嚇到人哋退選立法會變相被惡勢力入侵
戴耀廷嘅雷動計劃搞到一鑊泡 令到部分應該當選嘅結果選唔到
容海恩被稱為法律界桂綸鎂 真心想講呢個綽號有排都未輪到你
太驚訝毓民都竟然落馬 邊個估到結果同預期可以有咁大落差
朱凱迪高票當選成為票王 面對鄉紳恐嚇佢仍然勇於擔當
楊岳橋雖然選舉擊敗陳玉娥 唔同政見阻唔到兩人之間嘅愛火
梁頌恒用鴨脷洲鄉音宣誓 游惠禎一句支那結果引風入肺
一場宣誓風波令中共搵到靚位 引發釋法上訴DQ令議員人人自危
強制釋法令到法制受到衝擊 重新解釋基本法只係為咗掩飾
企圖追擊本土要本土派全面絕跡 為達到目的一切手段在所不惜
為咗米粉再困難仍然百折不屈 埋頭苦幹四年由13去到17
嚟到今年馬米終於推出全新專輯 精彩多變嘅風格 到時唔聽係你損失