仝島一命

作詞：吳永吉     作曲：吳永吉

編曲：董事長樂團&郭人豪

仝島一命 仝途一聲 仝島一命 疼入心肝
每一粒島嶼 攏有伊的運命
每一片土地 太陽照落仝款的影
世事變化 人情冷暖 阮猶原徛佇遮
所有委屈 吞落腹內 到底誰會贏
仝島一命 仝途一聲 仝島一命 疼入心肝
絕路求生 拆食落腹 仝島一命 仝路無仝命

每一欉花蕊 攏有每一種清芳
每一隻鳥仔 向望自由的燈塔
流血流汗 奉獻犧牲 有一工恁會知影
看著光線 心內的窗 美麗的將來
仝島一命 仝途一聲 仝島一命 疼入心肝
絕路求生 拆食落腹 仝島一命 仝路無仝命
地動是考驗咱的名 手牽手 免驚惶
風颱會使咱愈堅強 全世界 看會著
仝島一命 仝途一聲 仝島一命 疼入心肝
絕路求生 拆食落腹 仝島一命 仝路無仝命