終審

眾： 啊— 啊—
啊— 啊—
啊— 啊—
啊—

眾一： 我要告狀 有血有淚有唏噓
眾二： 我要告狀 有怨有恨也必須
眾三： 個個告狀 兩眼憤怒似尖錐
眾： 喔— 喔—
佢有罪 佢有罪

福端康： 我有冇罪 靠判決定靠吹噓 （眾：呸）
我有冇罪 判決過後冇得追 （呸）
我有冇罪 半世信譽冇得衰
眾： 喔—（衰） 喔—（衰）
佢有罪 佢有罪 （千宗罪 千宗罪）
福端康： 焉個敢話我有罪
眾： 認 認 認 認
認 認 認 認

方唐鏡： 福端康要痛打 打低此惡霸
扭計扭到對家 無力再齖䶥
阿細： 窺探內心 將一切藞䕢
公開當罪證 出招斬殺對家
方唐鏡： 混賬荒唐 都知道必定有詐
解我筆孽債 不必鬥藞䕢
面對詭詐 有罪證使怕
我就當做台大戲 用刑鍘對家

說書人（白）： 來者何人？
阿細／方唐鏡（白）：廣東宋世傑！今日代表十七名苦主上京鳴冤，狀告萬壽堂假藥害人，害死十七條人命。
福全（白）： 一派胡言！
阿細／方唐鏡（白）：焉個講嘢？
福全（白）： 廣東第一狀王！方唐鏡！

眾： 方方方呀 狀狀狀呀
衰衰衰呀 狀狀狀呀
師呀 狀呀 師呀 狀呀師
福全： 收聲 （眾：衰）
收聲 （眾：衰）
收聲 （眾：衰）
收聲

福全： 問句打官司 勝敗會否先知
我出馬訴訟時 易 易 易
用我寫張紙 你就有好開始
最終取勝在乎 字 字 字
大雅好君子 貴胄富家公子
我出馬訴訟時 （眾：賤 賤 賤）
（白）荒謬
為你寫張紙 你就有好開始
最終取勝 贏盡於京師

方唐鏡（白）： 好！新仇舊恨，今日我就同你喺公堂之上一鋪清徂佢！
福全（白）： 你想贏呀，好難囉！企埋一邊睇我表演啦！

福全： 我有勝算 處處已經佈局 你咪當我唱歌
方唐鏡： 有冇計過 作惡太多 往後劫數 每每更多
福全： 你告誡我 至怕我衰到極 冇法與你鬥多
講作孽 難及你
方唐鏡： 只怕第時恨錯
福全： 咁你現時認錯 我就拍和
我會算數 放過你班契弟 快快脆脆煞科 （眾：嘿）
你咪介意 到我要打嘅話 客氣嘢冇咁多 （眾：嘿）
至怕你冇證據 你㜺注定要洩氣喎 阿哥
方唐鏡： 睇下 係唔係咯
福全： 睇錯 莫嚟恨我
阿細： 打過自然就會知 焉家折墮

說書人（白）：方狀師！今日上堂所為何事？
福全（白）： 大人！方某今日代表萬壽堂狀告十七名稚子家屬捏造事實，訛稱萬壽堂嘅藥毒死佢哋嘅子女，令萬壽堂損失慘重。懇請大人重判十七名稚子家屬造謠構陷之罪！
阿細（白）：咩話？
方唐鏡（白）： 我地原告變被告？！
福全（白）： 跟你學嘢咋，宋狀師。

方唐鏡： 事實你心知
福全： 公道有天知
方唐鏡： 藥效有參差
福全： 誹謗也太易
方唐鏡： 若讀過詩書
福全： 真偽信醫師
方唐鏡： 用義理深思
福全： 公道兩個字

福全： 福老闆 耗費心神製藥
最頂尖太醫驗證 分明正藥 何來罪愆
眾： 方唐鏡 方唐鏡 半生作孽
混賬 荒唐事 荒唐 是未了未完
福全： 其實千萬個小童 食到好壯健
問你此時十七人 何事葬黃泉

阿細： 應該點去對打 開口打惡霸
出手打到佢講 饒命再跪下
此際恨福端康 會作假
一生惡毒陰騭 應該要殺佢全家
啊—
說書人（白）：公堂之上不得放肆！

方唐鏡（白）： 方狀師口口聲聲話福老闆遭人誣告，不如而家就等佢同大家當場對質好嘛？
福端康（白）： 對質就無謂喇。今日我為求清白，決定親身試藥！
方唐鏡（白）： 咪住！福老闆肯親身試得嘅藥，當然唔會有問題！而家出事嘅，係賣俾人嘅藥！
福端康（白）： 宋世傑，你重有咩懷疑？
方唐鏡（白）： 福老闆你咁做唔怕有報應呀？
福端康（白）： 我都唔知你講乜嘢。

福端康： 快快脆脆 咪個咁多嘢問 試到你有信心
方唐鏡： 你嘅語氣 咁有信心試藥 會試嘅你放心
福端康： 有澌印鑑 更有太醫去驗證過 至有信心
方唐鏡： 所謂救人
福端康： 係喇 不若你嚟
方唐鏡： 係 嘩
福端康： 一樣可行 食過即刻見功兼轉運
眾： 出乜法子可對陣

方唐鏡： 我建議你試下送呢隻藥 餵你最細嘅細蚊 （眾：試食）
有你餵佢 試下喫呢隻藥照計你最放心 （眾：快食）
你咪笑喎 有你個仔試藥 個個至有信心
福全： 好喇 大人 大概玩夠
方唐鏡： 並唔係噃 一試就能服眾 佢係老竇
眾： 呵 呵 呵 呵
方唐鏡（白）： 福老闆，要試就叫你個仔出嚟試。
眾： 呵 呵 呵 呵
福端康（白）：你好大膽啊宋世傑！
眾： 呵 呵 呵 呵
方唐鏡（白）： 點及你毒害黎民咁大膽？
眾： 呵 呵 呵 呵
福端康（白）：你亂講！
方唐鏡（白）：咁點解唔敢俾個仔試呀？
眾： 呵 呵 呵 呵
福全（白）：藥理複雜，豈能胡亂試服呢？
眾： 呵 呵 呵 呵
福全（白）：福老闆位公子乃正紅旗後人……
眾： 呵 呵 呵 呵
福全（白）：佢乃係當今太后嘅表侄孫！
眾： 呵 呵 呵 呵
福全（白）：你地笑咩呀？
方唐鏡（白）： 笑你叻唔切！
眾： 呵 呵 呵 呵
方唐鏡（白）：你而家陷太后於不義。
福全（白）：我無！
眾： 呵 呵 呵 呵
方唐鏡（白）：太后表侄孫係人，其他細路唔係人？
眾： 呵 呵 呵 呵
福全（白）：你？！
眾： 呵 呵 呵 呵
福全（白）：好囉喎，你哋班刁民笑夠未呀？
方唐鏡： 事實你心知
福全： 公道有天知
方唐鏡： 藥效更參差
福全： 誹謗也太易
方唐鏡： 若讀過詩書
福全： 真偽信醫師
方唐鏡： 用義理深思
福全： 公道兩個字

福全： 福老闆話個仔常作病
已早經太醫驗證 不能試藥
佢體質跟藥性衝撞 難以起作用
就算幾時食 向來成效隔萬重
方唐鏡： 最終聽落去 不外你冇心試藥
任太醫來驗證 誠何用 誰亦懂

福端康（白）： 我點都唔會俾我個仔試藥，就咁啦！
方唐鏡（白）： 我就唔信搞你唔扂！

方唐鏡： 一切事情 一早注定 留待某天看清
方唐鏡／阿細：一世罪名 一生作孽 留待某天承認
阿細： 用血肉之軀
方唐鏡： 唸赦罪心經
阿細： 回望當初想究竟
方唐鏡： 全是因果想算清
方唐鏡／阿細：人在此刻只得一身使命

方唐鏡： 事實你心知
眾： 公道有天知
方唐鏡： 藥效太參差
眾： 只為要正義
方唐鏡： 若驗過先知
眾： 真偽冇參差
方唐鏡： 令萬眾安心
眾： 公道夾正義
方唐鏡： 噢—
眾： 噢—
方唐鏡： 嘩— 噢—
眾： 嘩— 噢—
方唐鏡： 嘩— 嘩— 噢—
眾： 嘩— 嘩— 噢—
方唐鏡： 呀—

眾： 年月帶着情緒 隨住腳步磨碎
足跡印着證據
然後證實誰對 誰在作孽人間
天公正義還誰

說書人（白）： 肅靜！肅靜！
福端康（白）： 做咩呀？一個二個作反呀？
說書人（白）： 大膽宋世傑，竟敢喺公堂之上煽動群眾威迫朝廷命官，你可知罪？
方唐鏡（白）：大人！
福全（白）： 宋狀師，你自己衰好啦，唔好連累其他人呀！
說書人（白）：再唔退開，本官就將你地通通依法處置。
方唐鏡（白）： 大人息怒。方才見福老闆多番推卻，大家情緒先激動徂些少，請大人見諒。
說書人（白）： 宋狀師，既然福老闆都釋出最大善意，親身試藥。我睇你就無謂再搞事喇。你再無證據證明十七名死者同萬壽堂嘅藥有直接關係，我就要判福老闆無罪！
福端康（白）：多謝大人替我證明清白，等天下百姓可以安心服用我哋萬籌堂嘅藥！。
方唐鏡（白）： 福老闆造嘅藥，從來都唔係為徂醫人！佢根本當天下嘅百姓係佢嘅搖錢樹！
福端康（白）：警告你呀，無證無據唔好亂講！
說書人（白）：好呀，咁本官就判……
方唐鏡（白）： 大人且慢。福老闆，聞說萬壽堂嘅藥有病醫病，無病強身。可有其事？
福端康（白）： 當然。
方唐鏡（白）：咁唔知道我而家當場試食一粒，會係強身健體，定抑或命喪黃泉呢？
福端康（白）： 你食得死嘅，我萬壽堂從此關門大吉！
方唐鏡（白）： 好！天子腳下，今日就請各位一同做證！
阿細（白）：等等！方唐鏡！
方唐鏡（白）： 阿細，幫我！

阿細： 昨日怨恨早已成泡影
方唐鏡： 一切虧欠此際待算清
阿細： 總有方法可以留人命
方唐鏡： 最後結局必須絕境
賠上性命 才見到內心安定

方唐鏡： 有幸結伴 相處忘醉醒 （阿細：一個念頭 一番宇宙）
喜見此際跟你能同命 （阿細：來自我一對手）
懷緬那日 尋過燦爛 金蜻蜓
方唐鏡／阿細／小方唐鏡／小阿細： 日照照得樹有影 伴我有風又有景
我再睜開雙眼睛
方唐鏡： 能伴你天涯盡興

阿細： 能伴你天涯盡興 直至一切恬靜
一切恬靜
一切恬靜
一切恬靜

秀秀： 淡然輕身上路 路遙遙段接段
任憑風霜撲面 心裏也都溫暖
但求他朝再遇 共前塵面對面
就如雪地寒山裏 倖存