我的目屎

作詞：盧志宏     作曲：盧志宏

編曲：盧志宏

我的目屎 哪會雄雄仔佇滴落來
敢是阮心內 有淡薄仔的不甘
是聽到阿母 叫我免為她操煩
時陣若到 伊嘛無算有遺憾

我的目屎 慢慢仔佇滴落來
是我頇顢 嘛不知影欲安怎辦
敢會是阮 有滿腹的不甘願
時陣若到 妳的恩情是無處還

妳總是講無要緊
為著囡仔安怎苦嘛要忍
是妳的愛 一直陪伴我的身邊

妳總是無顧自己
予我穿燒食飽妳就歡喜
是妳的愛 一直陪伴我的身邊

我的目屎 惦惦仔佇流落來
我是想起 細漢時陣的代誌
喝阮的名 佇驚我會行拍毋見
時陣若到 佇無阿母來叫我轉去
彼日若到 我會好好仔照顧家己