聽日先算

作詞：林日曦     作曲：林日曦

編曲：黃艾倫 / 翁瑋盈
監製：黃艾倫 / 翁瑋盈

夜瞓 算唔算失眠
排藥 係唔係消炎
杯水太苦 袋零食太甜
輾轉反側 凌晨三點

吽吓吽吓 就快又過一年
過咗冇耐 腳趾甲又要剪
眨眼就老 學吓用紙尿片
諗得太遠 應該會變痴線

好抑鬱 聽日先算
好緊張 聽日先算
好擔心 聽日先算
乜都好 聽日先算

又怕絕症 又怕活太多年
怕恐怖片 更加怕勵志片
好怕直去 但怕轉彎危險
一直停留 邊年至會改變

好抑鬱 聽日先算
好緊張 聽日先算
好擔心 聽日先算
乜都好 聽日先算

深呼吸 聽日先算
打側身 聽日先算
熄返燈 聽日先算
早啲瞓 聽日先算