作詞:占    作曲:小胡
編曲:Chris / 小胡

當天好怕醜 四圍去都要捉緊我手
叫我做爸爸 你騎膞頭我變做一匹馬
點解你會咁頑皮 但我乜都買比你
最重要令你幸福 價值好少理
點解你會咁頑皮 將一生都交比你
五六歲仲叫做妹妹都有啲骨痺

整天喊早到晚 小屋亦被你粗魯拆散
終於會企同行 爸爸傍住你驚你仆散
你大個應該要去自立喇 有自己一套想法
向住理想衝去要盡力呀 要爸爸抱就回家

妹妹出世啦 要面對一天你將出嫁
點解你會咁頑皮 但我乜都買比你
最重要令你幸福 價值好少理

整天喊早到晚 小屋亦被你粗魯拆散
終於會企同行 爸爸傍住你驚你仆散
你大個應該要去自立喇 有自己一套想法
向住理想衝去要盡力呀 要爸爸抱就回家

你仲細 仲纏住我 我隨便走都會跟我去走
快快大個 別纏住我 未來日子終有天會拍拖
一轉眼間 經已長高 咁快大個搬去第二個家

整天喊早到晚 小屋亦被你粗魯拆散
終於會企同行 爸爸傍住你驚你仆散
你大個應該要去自立喇 有自己一套想法
向住理想衝去要盡力呀 記住屋企無乜要怕