卖身契

Lyricist: 許冠傑/黎彼得     Composer: 許冠傑

苏虾仔未出世 都去揾玉皇大帝 听佢讲番Ｄ世俗条例
呖起张卖身契 岂势咁拧头拧髻 好坐低听孤家讲出一切

喂 我要你架势 你梗一家富贵
我发起啷o黎 会将你垫尸底 认真巴闭
签番张卖身契〔卖身契〕
搅掂笔入境费〔仲要洗礼〕
咁苏虾仔至准出世


苏虾仔大个o左啦喂 识拍拖学人o地曳 一次偷鸡喊亦无谓
番香闺论婚礼 俾八姑窒头窒势 好女婿 呢单认真襟计

喂 你咪当免费 走精面咪制〔咪制〕
我听钱驶 你好挖仓底 重要三牲酒礼
签番张卖身契〔仲要屋契〕
搅掂笔外母费〔杰过西米〕
咁苏虾仔至准出世


香港地为生计 乜野都受人限制 睇报纸多多制度条例
加差饷电费水费 Ｄ送乜愈来愈贵 恩爱夫妻都顶心顶肺

喂 咪太过闭翳 训医院更贵〔太贵〕
养班马骝仔 有苦暗哑抵 仲要交足书簿费
一张张卖身契〔卖身契〕
枕住咁累你一世〔做到甩肺〕
唉 总之一句柯弥吉帝〔柯弥柯弥吉帝〕

一张张卖身契〔卖身契〕
枕住咁累你一世〔做到甩肺〕
唉 总之一句柯弥吉帝 啰 前世