大支
Lyricist: Composer:
伊是密西根大学博士
交大教册 伊的一生
像自找麻烦的故事
将无可能任务进行
伊一心欲为台湾射火箭
逐家听到讲伊悾气
五月天的顽固mv
彼故事就是伫讲伊
伊做的火箭 真空比冲值世界第一的
但实际 经费讲实话
干焦有人的0.1倍
伊嘛是无想过撤退
一路竹蒿斗菜刀摧落
伊讲台湾予𪜶这几个
阿伯做梦机会
伊嘛欲予台湾做梦机会
伊带～领
一阵宅男大叔佮世界车～拼
袂惊惶 大～胆
欲来打造台版NA～SA—TASA
伊的火箭你共～看
足昌～飏
台语发音(闭口)火箭佮客话发音Fo-chien印伫火箭壳仔
真正趴(上大下卯)
发射台伫蚵仔壳顶
这咱台湾特殊风景
边仔阁有花鮡𫊻仔寄生仔
当地看闹热乡亲
5、4、3、2、1
柑仔色火箭飞上～天
现此～时
台湾太空梦嘛予伊 射出去
台湾这马其实是一个浑沌不明
而且伫产业界其实是代工观念为主
予家己无自信心
我想阮这阵中年阿伯应该做一寡无仝的代志
阮这阵中年阿伯𪜶足大胆诶
就是讲阮欲家己做阮家己的火箭
送阮家己的卫星 进入地球的轨道
阮所有的物件 无论是百分之百
真正 百分之百MIT
摩根士丹利若是正确
伫未来二十年之间
太空产业产值一冬
是1兆一千亿美元
看美国太空旅行偌夯
人一张票七百偌万
咱系统仝 成本大降
台湾火箭俗阁大碗 赞
台湾倚赤道自转tsū-tsuán紧射火箭足需要
是科技岛人才足𠢕
技术有够 有所有的死人骨头
咱煞逐回共十亿开站tam(闭口)
请美国射卫星这不妙
咱一定爱脱离代工
做出系统才会当出头
登月予美国科技超～级
大步出力的向前跳
防火衫气垫鞋泡～面
青菜包电脑鼠chi电脑
拢发明伫太空竞赛的前后
美国人是真巧真𠢕
就是发展太空之后
靠这招变世界科技𤆬头
做火箭爱2万个零件
有十几个领域líng-hi̍k爱处理
数学机械物理电机佮
化工通讯是无所不至
做火箭予上尽磅人才
技术全部做一改升级
火箭是肉粽头 有一摆
把产业链𤆬起的能力
逐家拢认道台湾佮太空是绝缘
我定定咧共学生讲 你头壳攑起来 台湾就看袂著了
台湾顶悬是无限的空间
台湾其实创造了阮这阵中年阿伯的未来
阮这群中年阿伯欲尽阮上大的力量
欲创造台湾光明的未来
上尾仔 我欲共各位宣告 就是
阮绝对无欲放弃 欲离开地球就著
伊这个人 真正就像彼首顽固
像伊就是刁工欲站(tam)
ted用台语来做演讲
欲韩扣为台语出一口气的反抗
证明语言地位拢亲像灶跤 菜市仔的话嘛会当
说明复杂太空科学,
这回伊欲证明的彼是愈大步
射火箭呢 咱敢有法度
想欲飞但敢会晓行路
台湾敢有到彼个趴数
免一直 SWOT分析
做就著啊 伊太冲
对像冲天炮到将时准备
冲出亚洲冲太空
遮火箭代表
台湾毋捌 数想 的宇宙ú-diū
予保守 伤久 爱顾虑
伤龟的咱 有做梦勇气佮才调
若台湾这次 含家己亲手
做火箭射火箭拢做会到
未来你想 啥袂当应付
台湾阁有啥米是做袂到
你顶改攑头看天彼是何时啊
你阁会记吗？
来咱做伙攑头看星
你梦想是啥 益阁有坚持吗？
莫逃避 拚予赢
火箭阿伯佮你作伴
管待彼笑声 击予行
欲离开地球就著了