MastaMic
Lyricist: MastaMic Composer: INK, Big Sammy
编曲：INK, Big Sammy
监制：MastaMic
唔使心急 又到10 rap up
全香港市民都想知我今年会rap乜
有明星打嚟问我唔rap佢得唔得
你估我答乜 学禁毒我坚决说不
今年娱乐圈大把新闻 唔怕闷亲
都唔明点解个个明星都要瞒婚
阿Sa同Ronald有边个估到佢哋已婚
惊吓度爆灯
惊过话我搞大林嘉欣
以后阿Sa搭的士肯定唔使等
要搭的士咩 佢即刻Call的士陈
Angelababy最钟意食蛋糕
估都估到 女神唔通会钟意的士佬
志云大师大战ICAC
凌晨饮coffee,点知无陈豪服侍
真的假不了 结果不了了之
高调番TVB
墙头草 好自为之
我真心信真爱无界限
唔系李亚男点会拣水平线都望唔到嘅祖蓝
苏施黄话我要赚两亿
好可惜 佢个talk每场得两个人出席
咁都赚两亿 得两个解释
一系系神迹 一系每张飞值一亿
林峰摆chok样就至叻
加个湿身大背脊
ladies you get wet yet
如果TVB有最佳cosplay奖
一定系峰峰攞奖 无人敢同佢抢
佢cosplay神探伽俐略个样
观众眼睛最雪亮 你话边忽唔一样
读心神探最叻唔只读心
佢最叻读身得闲同痔疮谈心
子丹系宇宙最强地球人
因为佢嘅真身系叶问mix陈真
一单盆景猫 全城闹爆唐贝诗
点知 老豆仲无耻 涉嫌迷奸模特儿
上有咸湿嗲哋 下有弱智女儿
唐氏家庭爱生事全家爱上报纸
Mr 嘅Alan果然言出必行
情欲化身偷嗒人未婚妻嗒得好过瘾
林依丽大口气笑人歌星仔
我想问边个知呢个阿婶系边位
2010香港劲多劲歌
每次听安哥尖尖尖 loop住劲播
系谢金燕嘅哔哔哔教识我
只要老母性感就有很多人call
林欣彤大热赢咗超级巨星
可惜毒男至爱永远系Stephy加傅颖
唔使rap最紧要怪
广告加段rap保证产品大卖
你有无鼻敏感
你钟意食意粉
你有无去健身
唔使审 屎桥系边个谂
如果你想你段广告rap好听
记住我个名 我叫做MASTABRAND
世界杯有八爪鱼保罗估波
香港都有个黄婉曼讲波
佢有波有天气
佢讲波有面俾
但我想问你
你想睇波定睇天气
烈女不怕死但怕会无得嫁
恭喜千FA唔使怕sip 灶隙
以后无人再唱神啊,救救我
因为失恋王山鸡哥都娶咗个老婆
香港申办亚运 唔少得小明同李家仁
李家仁医生系新一代MC仁
小明上广州 系咪小明参加亚运
比赛抱住个冬瓜猛咁赵 小明系冠军
最低工资系帮工人定帮商人
麦记一个餐都卖紧三十蚊
张宇人肯调整薪金至每小时廿蚊
我即刻捐晒我副身家俾关爱基金
财爷话留意见唔使留须
我嘅意见呢系财爷唔识捞
个个市民都希望你学谦哥个套
派钱又派Iphone市民个个赞好
维基解密爆秘闻爆秘密
最大嘅秘密系佢点解有咁多咁多国家机密
唔通最秘密嘅系阿桑奇真正身份系我哋祖国嘅国产007
香港拥有最健全司法制度
原来亲戚系法官就可以打差佬
恶有恶报未报系时辰未到
恭喜amina 圣诞老人都救你唔到
男仔识女仔前要先上少林习武
唔识金钟罩俾人㓥肚你会点挡刀
潮流兴生仔揾代母
李嘉杰无性繁殖照生3个小宝宝
第日你要对呢3个细路爆粗
记住唔系讲do 你老母 系do 你代母
八通达公司发达真轻松
卖完客人私隐仲诈傻扮懵
谂住可以将责任一扫而空
用八通达等于将自己私隐大赠送
大家乐得大商家快乐
老细够刻簿员工唔够佢恶
克扣员工食饭钱佢就侧侧膊
多得政府联手衰嘢又唔多觉
用几百万为香港飞龙加三条线
不如每个老人家嘅生果金加三千
乜呀导游珍竟然恶到咁
游客唔买金俾佢抦镬金
肯定事出有因一定有竟滚
唔通佢仲耿耿于怀刘华旧年结咗婚
前亚运女将靳索X富商
无人想知真相但都想知X富商真样
菲律宾特种部队系特别无gut屎
救人资定杀人资 总统仲笑咪咪
总统够可耻 国民影相摆甫士
出事港人 rest in peace
我哋为你讨回公义
华叔用一生为香港人服务
我哋会继续为你坚持民主之路
一张空凳 代表和平声音
一张空凳 有人为自由牺牲
中国人系时候为民主企起身
诺贝尔同我哋与民主同行
人民富予你权力
系为人民作打算
无为人民打算都算
仲要拆人民家园
你话你有权 拆毁菜园村
捍卫家园叫极端
拆毁菜园系咪极权
系边个契弟放火烧南生围
唔使估肯定系班地产吸血鬼
今年有三位人士特别要致敬
许细文 曾敏杰同埋黄福荣
捐肝嘅许生系器官捐赠之星
曾敏杰同黄福荣系义工嘅精英
自动请缨显出生命不怕困境
佢哋为身边人带嚟光明
估唔到社民连都有个甘乃威
马草泥呢剂变成地底泥
政治烈士原来都系咸湿四眼仔
副业系示威正职乱搞男女关系
有人话五区公投系浪费公帑
起码人哋为民主唔系大只讲
原来民主党同阿爷倾掂当
所以争取普选佢诸多籍口推搪
我想知佢系爱港定爱党
佢爱党要卖港
伪民主嘅民主党
蚁民佢唔会帮
为民请命你唔使望
正宗日防夜防 最终家贼难防
最犀利都莫过犀利哥
犀利到连新闻台都有讲过
不过各位潮人唔使羡慕咁多
只要香港由Bowtie掌舵
好快成街都系犀利哥
奴才Donald点配做香港领导
大卖起锚广告事实系改变唔到
我决定向消委会投诉
投诉广告内容不实纯粹误导
睇到香港市民鼓噪
今年圣诞特首变Hip Hop大使
谂住啲鬼主意会得到后生仔支持
点知又出事 我有个好提议
下年圣诞个时
特首同我rap次D.O.G.
一年嘅准备
一年嘅心机
一年嘅努力制造一只Mixtape
2011 2月19 做好准备
The New Hope Mixtape
马米约定你