舞台

Lyricist: 黃昺翔 / 武雄     Composer: 蕭煌奇

编曲：吴加恩

粉按呢敢会伤白 衫按呢敢会伤狭
无熟的词 敢爱阁重背
这马敢阁有机会 换一双皮鞋
问时间阁䞐外济 问声音敢有ＯＫ
攑著麦克 我准备好势 攑著麦克 你准备好袂

一曲锣鼓起场频频送 毋知台跤几个人
未曾上台两袖已经澹 心茫茫跤步愈沈重

一步步行上台 阁紧张阁真期待
心跳甲遮尔厉害 无日无暝就是为著现在
掌声小鼓励一下 请问敢会使
爱外济 其实我心内早就会知 这就是今生我的最爱
攑著麦克 感觉上自在 攑著麦克 毋惊有阻碍

这马开始这是我的时代 我的天下 我的舞台
满腹的爽快佮无奈 拢想欲唱予人知
毋捌咧惊失败 我欲唱遍全世界
父母的忍耐 爱人的等待 朋友的𠛅洗 莫讲我拢毋知
人笑我双手空空 我感觉颠倒轻松
若看人假鬼假怪 假仙假 我就共当
我知影总有一工 你会认得我的名 我的歌
徛伫舞台顶 对命运唱声

一幕双勾水袖盖迷人 换去青春数十冬
缚戏人生苦旦叹红颜 时代也渐渐到坎站

为生活为将来 不管是委屈无奈
不管是海角天涯 飞东飞西来甲大家熟似
掌声请鼓励一下 来替我徛台
爱外济 其实我心内早就会知 这就是今生我的最爱
若有麦克 就是舞台 就是舞台

一摆阁一摆 照镜对自己讲你一定会使
三教九流拢照过来 麦克攑著台顶我上歹
毋管对我敢有熟似 我就是遮尔精彩
你会大声拍噗仔讲这个少年仔其实真正袂䆀
半暝提著落南的车票流目屎
从来毋敢向望厝里序大会当谅解
谢天谢地时机䆀䆀才无共我幸歹
徛踮这个舞台 我有我的光彩

一场烟花煞戏手攑悬 谢别青春舞台梦
越头胭脂黯淡心相仝 是新人换旧人免送

想过去想未来 最感恩你的关怀
拢囥咧我的心内 一点一滴真正有够厉害
掌声阁鼓励一下 催予通人知
爱外济 其实我心内早就会知 这就是今生我的最爱
攑著麦克 我看到世界 攑著麦克 我自由自在

风咧吹拢无关系 歌欲点阁有真济
有缘相会 我一定奉陪
趁这马这咧机会 讲出心内话
毋管伊青春阁䞐外济 只要有大家继续鼓励
攑著麦克 天下是我的
攑著麦克 天下是咱的
徛在舞台 毋愿讲再会