反轉寫字 倒轉唱歌 陳明憙MV濕身挑戰高難度

Jocelyn陳明憙繼早前攀山越嶺到五大絕景拍攝〈遊樂〉MV，不幸迷路兼小腿受傷後，今次再為第二首新歌〈天使禁獵區〉拍攝MV。新歌〈天使禁獵區〉同樣由Jocelyn作曲，既是一首關於對抗時間的歌曲，同時也是新碟的總概念。Jocelyn解釋：「〈天使禁獵區〉係我同時間嘅一個對話，希望有一個禁獵區，鎖住某一個時間，任何嘢都冇辦法獵走我身邊嘅天使。」

Jocelyn分享：「上次拍〈遊樂〉MV，由構思到導演，甚至做導遊安排行程，通通一腳踢自己搞掂。雖然好辛苦，但過程中真係學到好多嘢，到今次拍攝〈天使禁獵區〉，我希望回到歌手身份，等導演幫我決定成個拍攝idea。」

加盟Sony後，Jocelyn第一隻大碟《天使禁獵區》早前已經推出，並且為主題歌曲〈天使禁獵區〉拍MV。原以為在錄影廠拍攝會相對輕鬆，誰知導演的要求卻考起Jocelyn。Jocelyn表示：「首先係要我對住鏡頭寫字，聽落好似冇難度，但其實我係要反轉個字寫，觀眾先會睇到、估到係一個咩字。」

正式拍攝前Jocelyn不斷練習，希望大家看MV時能夠猜出這個「秘密」。其後，導演將難度升級，要求Jocelyn倒轉唱歌，同時還要濕身淋雨。Jocelyn分享：「因為想表達逆轉時間嘅感覺，導演會用一個倒鏡嘅手法拍攝，啲雨會由地面升上嚟，而我就要倒轉啲歌詞唱。」雖然只需做口型，不用真唱，但短短兩句歌詞，已令Jocelyn幾乎崩潰。她說：「估唔到掉番轉嚟聽，感覺會咁奇怪，我曾經聽人講，將首歌掉番轉嚟聽，會聽到啲恐怖訊息。」

直到到正式拍攝，已經是凌晨時份，一邊淋雨、一邊倒轉唱的Jocelyn未有半句怨言。反而導演一直擔心Jocelyn辛苦，不斷跟她說「唔好意思」。

「其實拍MV嗰個禮拜，一直忙緊新碟嘅工作。拍MV嗰朝早我先坐飛機由北京返香港，成個禮拜加埋瞓得八個鐘左右，但每次投入工作，都會唔識攰。正如新碟入面七首新歌，自己全部有份作曲。有時寧願犧牲自己休息時間，將最好嘅音樂帶俾每一位歌迷。」Jocelyn說。

即聽新碟，探索時間