馮允謙新歌〈地球來的人〉 MV承接〈開始倒數〉故事

馮允謙(Jay Fung)早前推出的歌曲〈開始倒數〉大受歡迎，延續氣勢乘勝追擊，新歌〈地球來的人〉比前作更科幻更多特技，不過雖然在MV中要扮演未來世界人類，但Jay Fung就沒有機會穿上太空人裝演出，令他大感可惜，他解釋：「開會時聽到導演講話有太空船，我又做一個未來人類，當然好興奮啦，心諗咁大個仔都未做過太空人，有得試吓都唔錯，殊不知原來2030年後嘅人，可能已經唔需要再著啲厚重太空衣喺太空生活，而係好似我身上呢一套咁，線條好簡單嘅套裝。」

Jay Fung說：「今次同〈開始倒數〉一樣，有好多好犀利嘅特技，因為背景都係講未來世界，不過今次就係一個愛情故事，所以導演幫我搵咗個又靚女又好戲嘅女主角Hana陳漢娜一齊演出，因為佢之前已經有好多演戲經驗，演出過電影《殺破狼：貪狼》同埋《G殺》，所以知道要同佢一齊拍，我都有啲緊張。不過Hana好投入好好人，事前準備時會溝通好，等我知道佢會點樣演繹，令我都好易就融入晒個角色。」

冠軍歌〈開始倒數〉MV主要描述世界末日將至，〈地球來的人〉就承接故事發展，Jay Fung說：「故事講到已經世界末日，地球已經唔適合人類生活，咁Hana就會移民去外太空新嘅星球生活，但佢又掛住我，想返嚟，所以佢會有一場『喊喊戲』。」Hana也說：「唔係真係要喊出嚟，只不過鏡頭會見到地球上好多人被吸走消失，當中有BB仔，你面對呢個情景會有一份無力感，所以會好傷心好難過。」

即聽〈地球來的人〉，一同面對無力感