出外的囡仔

有真久毋捌转去思念的庄脚
险险啊昧记欲对佗落车

掼甲大包细包
厝边隔壁探头问讲
之是陀来的少年兄

踏入去阮兜旷阔的门口埕
亲像看著阿公犹原坐值遐
入门阿母著赶紧来检查
看我自头到尾敢有去予减一仔块肉

我讲腹肚枵甲强欲通尻脊坪
阿爸讲归家伙仔大家拢来吃
阿嬷讲出门在外毋通滥肆吃
阿弟仔讲吃饭才是皇帝大

我是在地的番薯仔囝
我上爱吃阿母滚的猪脚
细汉上爱共偷丢羡仔(芒果)
大家拢叫阮大头囡仔!

我是无脚的布袋戏俑仔
为著理想生活来都市打拼
毋是阮甲意四界来走抛抛
之是无奈现实甲劳碌的命

台北的北风吹甲是冷阁寒
热天是热甲强欲火烧山
你若问我讲爱值陀位住

我讲你斟酌听
你斟酌听
我欲来去山顶饲鸡仔