Izakaya

作词：MC  JJ
作曲：徐启洋、王希文

落雨答滴  三更半暝寂しい
打马胶路  浮一重水闪闪烁
巷仔路尾  内底面阁内底面
店头一葩鼓仔灯  邀请我入去

いざかや 是安搭灵魂的灶跤

bì-lù 先来𠛅一杯
毛豆佮花飞配干贝
蚶仔thak-khooh拢摧落
牛肉猪肉鸡肉鸭肉粉鸟斑鸠  拢共烘几块

仝款的食材  无仝手路真趣味
仝款的人类  无仝背景全过去
瘦的（敖力）铗  肥的厚汁  拢随在你
吧台灯光带虚微  引阮想起你

いざかや是转踅内外的客厅

bì-lù袂予我孤单
毛豆做伙相放伴
thak-khooh你莫阁一支喙懊嘟嘟
鼻著鸡翅你规身躯的芳气  来亲一下啦

蚶仔  你是咧笑啥
阁笑  阁笑  我共你食掉喔
sa-sí-mih你汰会这马才来
规身躯冷吱吱  敢是豆油欺负你
花飞  迷人的滋味
juicy juicy 我想甲起痟
喔烘牛肉  干焦你上pinky乌𚐞（黑乇）红阁带sexy

bì-lù bì-lù 咱这世人会当斗阵偌久
毛豆  毛豆  你敢有拍算陪我到老
thak-khooh thak-khooh 上佮意听你叫我哥哥
鸡翅  鸡翅  对你的思念毋捌消失
蚶仔  蚶仔  咱的情份是天注定
sa-sí-mih 我会陪伴你到海角天边
花飞  花飞  你共我囥伫心内佗位
牛肉  牛肉  我是爱你爱到  金鱼会𜦰（⻊百）壁

空虚郁卒  来来来来  いざかや
心情欢喜  来来来来  いざかや
孤单一人  来来来来  いざかや
朋友相招  来来来来  いざかや

空虚郁卒  来来来来  いざかや
心情欢喜  来来来来  いざかや
孤单一人  来来来来  いざかや
朋友相招  来来来来  いざかや