MastaMic
Lyricist: MastaMic Composer: 陳瑋洛/MastaMic
马米仲未死得 系度say个Wassup
咁又一年 我梗系知你地最想听乜
好多人都唔钟意听RAP 但钟意听RAP UP
所以每一年都必须要听RAP UP乜乜乜
谭玉瑛姐姐系儿童节目界代表
祝你以后青春常驻We will be missing you
杜汶泽系伍乐城演唱会讲笑讲出祸
令到Joey系facebook度话系净系讨厌佢一个
一条艳舞片证明马赛系性感尤物
但我谂马赛当时最想系条片有马赛克
坎坷人生赵颂茹谂住嫁个好男人
点知最后会成为家暴受害人
成龙系中共禁毒宣传形象大使
但系仔仔房祖名同柯震东竟然涉毒出事
Coffee系IFC残厕同富二代gathering
呢个gathering嘅地点都够晒新颖
有D新闻讲真唔敢rap得太直接
如果只系要坐垫佢会揾Mandy 既环保又快捷
家强发表拆伙真相同阿Paul兴师问罪
搞到咁最心碎应该系天上嘅家驹
睇真D我个样都几似都敏俊C
但系几时先会揾到我嘅千颂伊
无啦啦定A餐同B餐逼人拣
要㨂咁麻烦俾我梗系一次过要晒2个餐
又林建名又周子扬嘅何傲儿
我谂佢呢type应该系叫做老少咸宜
相逢何必曾烧衣一夜洗版
期待蒋志光复出可以拯救乐坛
Please let me go唔想再听到首Let It Go
我宁愿听活佛VIVA或者忘情释迦舞
旧年唔只兴K-Pop仲兴MK Pop
主打登陆太阳唔知以为签咗太阳娱乐
今年MK Pop仲有好多新力军
Mama Easy 妈妈今天不必担心
今年阿GEM直头系风头趸
不停飙高音所以佢攞亚军
Sammi 12场演唱会D飞争到癫
唔知有几多系因为知我做嘉宾想见我一面
TVB为咗抗衡HKTV开台
连王祖蓝求婚都要摆埋上台
谢霆锋王菲11年后世纪复合
证明有缘假以时日始终会失而复得
恭喜阿公苏永康结婚
佢话做我女人肯定越吻越开心
古巨基同Lorraine低调到无法想像
20年后终于公开同拉埋天窗
大导演彭顺有李心洁都仲偷食
Liddy呢个名自此无人不识
Bosco同杨峥大缆都扯唔埋
所以最后都系黎得快去得快
Rest In Peace 影视巨人邵逸夫爵士
六叔用一生拍摄香港影视界辉煌史
时装女皇黎坚惠因病离世
我地会永远怀念你嘅时尚同美丽
亚洲鼓王Donald Ashley过身
Freedom@Heaven系佢最后嘅作品
一代笑匠Robin Williams抑郁自杀身亡
又一个对人欢笑背人垂泪典型个案
ICE Bucket Challenge搞到潮流兴淋冰
为肌肉萎缩症做善事全城和应
香港有乜炒乜停唔到炒风
上网抽吓iPhone 6 好过走去返工
WhatsApp新功能双蓝剔
男朋友再无得扮未睇女朋友信息
梁逸峰同学有特别嘅朗诵技巧
咁特别嘅技巧唔知系边位老师教
巴西世界杯你有无买中德国系拎冠军
我就对巴西被人炒6粒印象系最深
千六只纸熊猫到港希望大家支持环保
但系大家影完相之后当乜事都无
杀出两条洋肠难为了港男
本来港男有得开餐结果变返一支冷
启晴邨枪击案嘅杀人凶手
奇情到竟然系彭顺小三Liddy老豆
虐待印佣ERWIANA咁阴骘
涉案罗允彤好眉好貌生沙虱
上海福喜食品将过期肉加工
麦当劳讲大话呃市民话佢哋无用
马尼拉人质事件总算到此为止
菲政府愿意对失职人仕惩治并表达歉意
两亿解款车平安夜坏门跌五千万
以为天降横财成班人谂住执完唔使还
马航客机MH370飞行途中失踪
至今仍然没人揾到佢确实嘅行踪
泰国反对派瘫痪曼谷反政府示威
最受影响系香港人嘅旅行大计
屹立超过60年遮王何洪希收山
一代遮王自此绝迹中环
树仁大学以你最德高望重
响起最后钟声 Good Bye DR. Chung
梁特首讲到自己为人民服务
但系点解除咗公职竟然系UGL有秘捞
齐昕嘅母亲衣著浮夸
一身全红打扮唔知以为系波士顿龙虾
梁齐昕send自荐信话想做模特儿
咁嘅样就算谷爆胸做靓模都应该唔pass
又话出乜招物招楼价会大幅下调
系就唔使居屋一出第一日就几万人挣表
高铁超支几十亿最后要市民搞掂
当日投赞成票嘅议员还我血汗钱
港铁残忍车死唐狗惹众怒
呢舖你出几多煽情广告都兜唔到
港铁成日加价话机制可加可减
可惜延误故障次数有加无减
夹粗剪布通过东北前期拨款申请
真系一闪一闪小吴亮星
何俊仁立法会上睇J图
好彩当年参选特首佢选唔到
许仕仁衰贪心高官变阶下囚
七年半刑期临老先有排受
今年访港人数再创新高嘅自由行
系带旺消费指数但影响民生
特首一句未富先骄激先过份
讲到无咗自由行香港地就会冧
内地游客竟然搞到遍地黄金
但苏锦梁竟然叫港人要有包容之心
港视申请免费电视牌照失败咗
不过转型做网络电视终于启播
亚视玩到有两个月粮都出唔到
难怪新闻直播中途主播会无稿
体育新闻王子伍家谦辞职
佢同佢师傅伍晃荣都成为集体回忆
明报突然将总编辑换人
摆明想干预新闻报导编采方针
刘进图遇袭掀起轩然大波
新闻界怒吼They can’t kill us all
李慧玲突然被商台下岗
系咪为咗续牌真系要问返首席智囊
新闻界用蓝丝带象征反暴力
边谂到蓝色后来系象征最暴力嘅颜色
一本白皮书当正我地白皮猪
又话我地有几多权力系中央赋予
占领邮轮蒋丽芸同船公司抗争
佢反占中但又系香港占领第一人
孤星泪嘅Do you hear the people sing
应该无人无听过试问谁还未发声
I do it for the people
I do it for the culture
I do it for Hip Hop
一片晴空仍然布满黑云
一街声音照旧不闻不问
黄皮肤黄丝带黄种人
守护紧呢片最后自由重镇
系萤光幕上重温 睇住你再三重申
重新谂咩叫本是同根
同根生但点解无同情心
经过几多清晨 遥望狮子山精神
唤醒更多灵魂发出声音
年轻人一夜之间长大成人
身边唔理平民定名人
纷纷站起争取自己嘅命运
我地举起象征平和嘅双臂
要求只系最基本嘅权利
真实我知从来系唔完美
普世价值应该系普世专利
选择点解都仲要分尊卑
毋宁死直至到我断气
忘记唔到催泪嘅攻鼻
初次体会积累嘅勇气
衷心问点解要敌视到如斯田地
私利用谎言去诈取
歪理指我地破坏秩序
下令要人民全面撤退
台上只系一班著西装人嘅傀儡
黑色嘅光与白色嘅影
警告人们再无黑白分明
当有人荒谬到将现实等同电影
道出现今嘅香港已经几扭曲变型
粉笔下嘅花系无价
偏偏系高墙上种出鲜花
一笔笔画出一点点变化
种花变做战靶
一则可怕嘅白色笑话
一对对天真烂漫嘅眼
望住打开晴天下嘅雨伞
象征我哋嘅期盼
期盼有日高墙会被推翻
期盼有日战胜嘅系鸡蛋
We do it for the culture.
We do it for our home.
And we will be back
We will be back
We will be back