馬戲團

Lyricist: Mc仁/陳少琪　     Composer: 陳奐仁

一家大小請到這裡望下 欣賞精彩演出請歡笑吧
成人內進吧 兒童們賣半價吧 娛樂節目快樂過聽廢話
一家大小請看海報賣相 獅子老虎小丑當起偶像
奇技二百樣 熊搭在馬背上 鴕鳥漂亮 照舊屁股向上

睇馬戲團 乜都有得睇
有人獸鬼有人湊鬼有半人半鬼睇有人出事
人人圍埋睇馬戲團 乜都有得睇
有人無計有人搞鬼有人愛偷窺有人要露底蝕底
睇馬戲團 乜都有得耍
各種雜耍飛鏢火把 睇到把幾火都咁假
逼住繼續睇馬戲團 乜都有得假
D人又假D事又假D人士又差D問責高層人士日日丟假

但係我發現屋企度 照鏡睇到馬騮係度
請問 邊種主角才合我做
平日噴火吞吐 如大象企係度
日夜招募 邊種主角才合我做
隨著炮彈飛高 還在鋼線跑步

一家大小請到這裡望下 欣賞精彩演出請歡笑吧
成人內進吧 兒童們賣半價吧 娛樂節目快樂過聽廢話
一家大小請看海報賣相 獅子老虎小丑當起偶像
奇技二百樣 熊搭在馬背上 鴕鳥漂亮 照舊屁股向上

真正馬戲團 係你我屋企
搵塊鏡照下你自己我自己個個面目猙獰似一班土匪
真正馬戲團 就係香港地
個個圍住個沙圈啄曬地有理無理個個係臨記
真正馬戲團 就係香港地
有大小丑有細小丑講各種大小大話面不改容無人知醜
真正馬戲團 就係香港地
你無得走我無得走五十年不變單派齊又點捨得咁快就走

但係我發現屋企度 照鏡睇到馬騮係度
請問 邊種主角才合我做
平日噴火吞吐 如大象企係度
日夜招募 邊種主角才合我做
隨著炮彈飛高 還在鋼線跑步

呢個馬戲團既佈景設計經常變動
呢個海景會越變越細 班人就蠢蠢欲動
籠裡面只大笨熊太笨 斬佢隻十粒掌黎食用
呢個死鬼蠢又笨又無用 D建議又空洞
一大班馬騮仔周街走 班化骨龍最叻扭計郁下嗌跳樓
一到九七果陣個個雞飛狗走 七一二三即刻睇得出邊個係走狗

但係我發現屋企度 照鏡睇到馬騮係度
請問 邊種主角才合我做
平日噴火吞吐 如大象企係度
日夜招募 邊種主角才合我做
隨著炮彈飛高 還在鋼線跑步

請問 邊種主角才合我做
平日噴火吞吐 如大象企係度
日夜招募 邊種主角才合我做
隨著炮彈飛高 還在鋼線跑步
(點捨得咁快就走)
(個世界唔應該係咁 做人唔應該係咁)