宝島材料行 (PóTó Hardware Store)
Lyricist: 洪子堯 Composer: 陳鋼彥 / 洪子堯
這款人生冷冷清清應該真歹過
這種日子異鄉日誌我寫做心內批
欲生活欲希望有一工總會無煩惱
欲序大欲序細這世再無艱苦
早時貓仔咧哭枵 咬我的淺拖無要緊當還數
無法度今日閣愛上班 講是認真但其實浪費時間
聽歌若刣人放火 但面笑若像拄才才補過
寶貝啊我的寶貝原諒我tshām話攏講袂好勢
我 徛佇上尾咧窮 免 講照常咧弓
弓無就弓無 做陣囉兄弟喔don't want you be gone
Uh another day another one 一工過了一工心情愈來愈不滿
怨嘆講大漢了後 對社會是愈來愈不滿
已經放棄再轉去 這條歌
送予一寡 講袂出聲的代誌
想欲看清這世人的意義
予歌聲再起 已經放棄再轉去
這條歌送予一寡 講袂出聲的代誌
想欲看清這世人的意義 閃閃爍
這款人生冷冷清清應該真歹過
這種日子異鄉日誌我寫做心內批
欲生活欲希望有一工總會無煩惱
欲序大欲序細這世再無艱苦
欲生活欲希望有一工總會無煩惱
欲序大欲序細這世再無艱苦
啥物時陣已經變甲
生活傷緊 毋通隨著伊的風湧
慢慢仔流 只有踮咧暗暝恬恬仔吼
青紅燈過啊過袂了 過袂了的青春
感覺偌濟生份 毋管用了
偌濟緣分 攏愛珍惜閣佇的時陣
已經放棄再轉去 這條歌
送予一寡 講袂出聲的代誌
想欲看清 這世人的意義
予歌聲再起 已經放棄再轉去
這條歌 送予一寡 講袂出聲的代誌
想欲看清 這世人的意義 閃閃爍